Улсын бүртгэлийн ерөнхий газраас Сэргээн засалт хөгжлийн үндэсний төв хамтран байгууллагын үйлчилгээний стандартыг мөрдүүлэх, улсын бүртгэлийн байгууллагад хөгжлийн бэрхшээлтэй иргэдийн үйлчлүүлэх эрхийг хангах, тэдний нийгмийн оролцоо, идэвхийг нэмэгдүүлэх зорилго бүхий улсын бүртгэгч нарыг хамруулсан “Дохионы хэлний анхан шатны сургалт” өнөөдөр Хан-Уул дүүргийн ЗДТГ-ын байранд эхэллээ.

Хөгжлийн бэрхшээлтэй иргэнтэй харьцах дохионы хэлний анхан шатны сургалтанд нийслэл, орон нутгийн нийт 30 гаруй улсын бүртгэгч хамрагдсан бөгөөд тэд хүний эрх тэр дундаа хөгжлийн бэрхшээлийн болон дохионы хэлний анхан шатны ерөнхий ойлголттой болох, адил тэгш байдал, үл алагчлал, өөрийн ажлаараа хөгжлийн бэрхшээлтэй иргэнд хэрхэн хүртээмжтэй үйлчлэх, сонсголгүй иргэдтэй харилцах харилцан ярианы арга барилыг эзэмших дадал чадвар олж авах юм. Сургалтыг Сэргээн засалт хөгжлийн үндэсний төвийн сургагч багш Б.Бямбадэлгэр заан явуулав. Энэхүү дохионы хэлний анхан шатны сургалт 21-нээс 23-ны өдрийг дуустал үргэлжлэн явагдана.