Тус газрын Иргэний бүртгэлийн газрын Иргэний гадаадад зорчих эрхийн бүртгэлийн хэлтсийн дарга Л.Энхбаяр Тайланд улсын Бангкок хотноо “Хүн бүрийг бүртгэлжүүлэх” уриан дор Ази номхон далайн улс орнуудын хамтран зохион байгуулагдсан хуралд энэ сарын 24-ний өдрөөс 29-ний өдрүүдэд оролцлоо.

Энэхүү Ази номхон далайн Иргэний бүртгэл хүн ам, статистикийн сайд нарын түвшний хурлын зорилго нь Ази номхон далайн орнуудын Иргэний бүртгэл тэр дундаа статистикийн бодлогыг сайжруулах болон хуралд оролцож буй бусад орны төлөөллүүдээс туршлага судлах явдал байв. Тус хуралд НҮБ-ийн Ази номхон далайн бүс нутгийн Эдийн засаг, нийгмийн комисс /ESCAP/, НҮБ-ийн Хүүхдийн сан /UNICEF/, НҮБ-ийн Хөгжлийн хөтөлбөр /UNDP/, НҮБ-ийн Дүрвэгчдийн агентлаг /UNHCR/, НҮБ-ийн хүн амын сан /UNFPA/, Дэлхийн эрүүл мэндийн байгууллага/WHO/, Азийн хөгжлийн банк /ADB/ зэрэг олон улсын байгууллагууд оролцсон аж. Хурлаар тухайн орны төлөөллүүд болох ахлах бүртгэгч нарын дунд иргэний бүртгэл, статистикийн гол тулгараад байгаа авч хэлэлцэх шаардлагатай асуудлуудын хүрээнд өрнөсөн бөгөөд нутгийн 33 улсын бүртгэлийн байгууллагын төлөөлөгчид тунхаг бичиг болон үйл ажиллагааны төсөл нь тухайн орны эрх зүйн зарчимд нийцэж байгаа эсэх, гишүүн орнуудын төлөөлөгч нарын гаргасан санал хүсэлтийг тусгах талаар голчлон хэлэлцсэн байна. Хурлын төгсгөлд “Иргэний бүртгэлийн талаарх бүс нутгийн үйл ажиллагааны төлөвлөгөө” болон “Тунхаг бичиг”-ийн төслийг хэлэлцэж, баталснаар чухал ач холбогдолтой хурал болж өндөрлөлөө. Тайланд улсын Бангкок хотноо “Хүн бүрийг бүртгэлжүүлэх” уриан дор зохион байгуулагдсан тус хуралд Ази номхон далайн орнуудын сайд, төлөөллүүд оролцов.