Баянгол дүүргийн бүртгэлийн хэлтэс “Иргэний андгай өргөх ёслол”-ыг уламжлал ёсоор “Эгэл амьдралын мөр” төрийн бус байгууллагатай хамтран өнөөдөр зохион байгууллаа.

Энэхүү арга хэмжээнд тус дүүргийн зорилтод бүлгийн сурлага хөдөлмөр, урлаг, спортоор тэргүүлсэн 50 хүүхэд иргэний үнэмлэхээ хүндэтгэлтэйгээр гардан авч, эх орон ард түмнийхээ өмнө тангараг өргөлөө. Тус арга хэмжээнд Нийслэлийн засаг даргын хөдөлмөр эрхлэлт нийгмийн хамгааллын асуудал эрхэлсэн орлогч дарга Ц. Буяндалай, Нийслэлийн улсын бүртгэлийн газрын дарга Б.Байгалмаа, Эгэл амьдралын мөр ТББ-ын гүйцэтгэх захирал Ц.Сайхантуяа , Нийслэлийн нийгмийн халамж үйлчилгээний газрын дарга Т.Очирхүү, УБЕГ-ын Мэдээлэл ,сургалт сурталчилгаа, гадаад харилцааны хэлтсийн дарга Ө.Өнөрлхам, Нийслэлийн нийгмийн халамж үйлчилгээний газрын мэргэжилтэн н.Энхжаргал нар оролцож залуучуудад үнэмлэхийг гардуулсан юм. Баянгол дүүргийн хэмжээнд 2014 оны эхний аравдугаар сарын байдлаар 16 нас хүрсэн 2074 иргэнийг иргэний шинэчилсэн бүртгэлд хамруулж, иргэний үнэмлэхийг олгосон байна.