Улсын бүртгэгч бэлтгэх 20 кредит цагийн сертификаттай сургалтыг тус газраас зарлаж байна. Сургалтанд хамрагдах иргэн нь Төрийн албан хаагчийн мэргэшлийн шалгалтанд тэнцэж нөөцөд бүртгэгдсэн байх бөгөөд нөөцөд бүртгэлтэй байх хүчинтэй хугацаа дуусаагүй байх ёстойг анхаарна уу.
Дээрх сургалтанд хамрагдах хүсэлтэй иргэн дараах материалыг бүрдүүлнэ. Үүнд:
- Төрийн албан хаагчийн анкет
- Дээд боловсролын дипломын хуулбар; /нотариатаар баталгаажуулсан/
- Сургалтанд хамрагдах тухай өргөдөл; /загварыг тус байгууллагын вэб сайтын хүний нөөц булан файл татах хэсгээс авна уу/
- Төрийн албан хаагчийн мэргэшлийн шалгалт өгч тэнцсэн тухай нотлох баримт
- Цээж зураг 3*4 хэмжээтэй 2 ширхэг
Сургалтанд хамрагдах хүсэлтэй иргэн дээрх материалыг бүрдүүлж энэ оны 09 дүгээр сарын 19-ны өдрийг дуустал ажлын өдрүүдэд 08:00- 12:00, 14:00-17:00 цагийн хооронд тус газрын төв байр /G mobile компанийн ард талд/-ны 109 тоот өрөөнд өөрийн биеэр ирж бүртгүүлнэ үү.
Улсын бүртгэгч бэлтгэх сургалт энэ оны 09 дүгээр сарын 22-ний өдрийн 09:00 цагт төв байрны 104 тоот сургалтын танхимд эхэлнэ.
Жич: Тухайн сургалтад хамрагдсан иргэнийг улсын бүртгэгчээр томилох үүргийг тус газар хүлээхгүй болохыг мэдэгдье.
УЛСЫН БҮРТГЭЛИЙН ЕРӨНХИЙ ГАЗАР
