Улсын бүртгэлийн ерөнхий газар нь Их монгол улс байгуулагдсаны 808 жил, Ардын хувьсгалын 93 жилийн ойн босгон дээр буюу 2014 оны 7 дугаар сарын 8-ны өдөр энэ оны үйл ажиллагааны эхний хагас жилийн тайлангийн хурлыг хийлээ. Тус газрын дарга Ц.Пүрэвдорж тайлангийн хурлыг нээж үг хэлэхдээ улсын бүртгэлийн байгууллагын үйл ажиллагаа, цаашид хэрэгжүүлэх арга хэмжээний талаар танилцууллаа.

Тамгын газрын дарга С.Алтангэрэл тус газрын хагас жилд хэрэгжүүлсэн үйл ажиллагааны тайланг илтгэлээ. Тайлангийн хурлын үеэр төрийн албан хаагчийн тангараг өргүүлэх ёслолыг зохион байгуулж, нийт 37 албан хаагч төрийн жинхэнэ албан хаагчийн тангараг өргөлөө. Эрхэлсэн ажилдаа идэвхи зүтгэл гаргасан зарим албан хаагчид төрийн дээд одон медаль болон салбарын дээд цол тэмдгээр шагнагдлаа. “Алтан гадас” одонгоор ХУД-ийн Бүртгэлийн хэлтсийн дарга Д.Бат-Очир, УБЕГ-ын Бүртгэлийн хяналтын хэлтсийн хяналтын улсын ахлах байцаагч Ч.Эрдэнэчимэг, Дархан-Уул аймгийн улсын бүртгэлийн хэлтсийн улсын бүртгэгч Ёндонгийн Гангармаа, "Хөдөлмөрийн хүндэт медаль”-аар УБЕГ-ын үйлчлэгч С.Нэргүй нар тус тус шагнагдлаа. “Хууль зүйн албаны тэргүүний ажилтан” тэмдгээр УБЕГ-ын Хяналт шинжилгээ, үнэлгээ, дотоод аудитын хэлтсийн дарга П.Энхмаа, "Улсын бүртгэлийн тэргүүний ажилтан” тэмдгээр УБЕГ-ын үйлчлэгч Д.Намжилмаа, Баянхонгор аймгийн улсын бүртгэлийн хэлтсийн Иргэний бүртгэлийн тасгийн улсын бүртгэгч Х.Өлзийбуян, Нийслэлийн Сүхбаатар дүүргийн Цагдаагийн хэлтэст паспортын ахлах байцаагч асан, ахмад ажилтан Л.Балсанжав, ХЗЯ-ны “Хүндэт жуух бичиг”-ээр УБЕГ-ын слесарь Б.Батхишиг, Иргэний бүртгэлийн газрын улсын бүртгэгч А.Мөнхцэцэг, ЭХЭБГ-ын улсын бүртгэгч З.Ганцэцэг, Архивын газрын ахлах мэргэжилтэн Б.Ариунтуул нарын нийт 10 албан хаагч шагнагдав. Ийнхүү ажил хөдөлмөр, амжилтаараа хамт олноо манлайлж төрийн дээд одон медаль болон салбарынхаа дээд цол, тэмдгээр шагнагдсан албан хаагчиддаа цаашдын ажилд нь амжилт хүсье.