Улсын бүртгэлийн ерөнхий газраас хяналтын улсын байцаагч нараа чадавхижуулах, үйл ажиллагааг нь боловсронгуй болгох, арга зүйн баримт бичгийг тодорхойлох, байцаагчдаас үйлдэн гарч буй эрх зүйн актын нэгдсэн санг бий болгох, цахим санд хяналт тавих боломжийг бүрдүүлэх зорилгоор төв, орон нутгийн хяналтын улсын байцаагч нарын нэгдсэн сургалтыг өнөөдөр Улаанбаатар хотноо амжилттай зохион байгууллаа.

Суралцагчид дээрх зорилгын хүрээнд мэдлэг олж авахын зэрэгцээ “Улсын бүртгэл, түүнтэй холбоотой бусад үйл ажиллагаанд хяналт, шалгалт хийх журам”-ын шинэчилсэн найруулга, Захиргааны хариуцлагын тухай хуулийн дагуу хариуцлага хүлээлгэх, хэрэг бүрдүүлэлтийн материал бүрдүүлэх зэрэг ажлын чиг үүрэгтэй холбоотой хууль тогтоомж, дүрэм журмын талаар номын дуу сонсож, харилцан ажлын арга туршлагаа солилцоо. Мөн иргэн, эд хөрөнгө, хуулийн этгээдийн цахим програмын шинэчлэлтэй холбоотойгоор тавигдах хяналт шалгалт, анхаарах асуудлуудаас гадна албан хэрэг хөтлөлтийн стандартын талаар тус газрын холбогдох мэргэжлийн хүмүүс болон урилгаар оролцсон багш нар хичээлийг заан явуулав.