Улсын бүртгэгчэээр шинээр томилогдсон болон ажлын байр сэлгэн ажиллаж байгаа албан хаагчдад иргэний, эд хөрөнгийн эрхийн бүртгэлийн чиглэлээр онол, дадлага, бүртгэлийн цахим системийн мэдлэг олгож, ажиллах ур чадварыг дээшлүүлэх зорилгоор “Шинэ ажлын байр” сургалтыг зохион байгуулж эхлээд байгаа билээ.

Тэгвэл энэ удаагийн ээлжит сургалт энэ сарын 16-наас 19-ны өдрүүдэд зохион байгуулагдаж байгаа бөгөөд нийслэл болон орон нутагт шинээр томилогдсон ажлын байр сэлгэн ажиллаж байгаа улсын бүртэггчид, хяналтын улсын байцаагч нар хамрагдлаа. Сургалтыг иргэний, эд хөрөнгийн эрхийн улсын бүртгэлийн тухай ойлголт, үйл ажиллагаанд мөрдөгдөж байгаа хууль, эрх зүйн актууд, дээрх бүртгэлийн төрлүүд, түүний онцлог, анхаарах асуудлууд, онлайн, офлайн, аффис системийн ашиглалт, иргэний бүртгэлийн цахим системийн хэрэглээ сэдвийн хүрээнд Улсын бүртгэлийн ерөнхий газрын газар, хэлтсийн холбогдох мэргэжлийн хүмүүс заан явууллаа. Мөн бүртгэлийг хэрхэн зөв зүйтэй, хуулийн хүрээнд бүртгэхээс гадна улсын бүртгэгчийн эрх үүрэг, ажлын байранд тавигдах шаардлага, улсын бүртгэгчийн ёс зүй, байгууллагын стандартыг хэрхэн дагаж мөрдөн ажиллах талаар тэдэнд номын дуу сонсгов. Шинэ ажлын байр сургалтын төгсгөлд нийслэл, орон нутгаас оролцсон суралцагчид иргэний бүртгэлийн үйл ажиллагааны цахим програм, ажлын байр, шат дамжлага бүртэй газар дээр нь танилцах дадлага хийж, санал бодлоо солилцсоноор 4 өдрийн турш үргэлжилсэн энэ удаагийн сургалт ийнхүү өндөрлөсөн юм.