Дархан-Уул аймгийн Улсын бүртгэлийн хэлтэс иргэдэд бүртгэлийн үйлчилгээг ойртуулах, шуурхай хүргэх зорилгоор өөрсдийн нөөц бололцоонд тулгуурлан хэд хэдэн програмыг нэвтрүүлээд байгаа билээ.

Тэгвэл энэ удаад албан хаагчдынхаа ажлын цаг зав, гар ажиллагааг хөнгөвчлөх “Шийтгэвэр 2.0 програм”-ыг дотооддоо хийн ашиглаж эхэллээ. Энэ нь Хяналтын улсын байцаагчийн гараар бичдэг байсан захиргааны зөрчлийн тухай тэмдэглэл, шийтгэвэр ногдуулах хуудасын бүртгэл хийх бөгөөд үндсэн серверээс гадна дотоод бааз үүсгэн хадгалж, улмаар уг програмаас шууд хэвлэж гаргах, хайлт хийх боломжтойгоороо давуу талтай юм.