Албан хаагчдын ажлын цаг ашиглалтыг бодитой болгох, цаг хугацаа, орон зайнаас үл хамааран бүртгэх зорилгоор тус газар өнөөдрөөс эхлэн албан хаагчдын цаг бүртгэлийн системийг нэгдсэн сүлжээнд холболоо.

Нэгдсэн сүлжээнд холбогдсоноор албан хаагчид ажлын зайлшгүй шаардлагаар өөр газар, хэлтэст ажилласан тохиолдолд цагийн бүртгэлийн аль ч төхөөрөмжид шууд бүртгүүлэх бүрэн боломжтой юм. Өөрөөр хэлбэл өмнө нь бүртгүүлдэг байсан шигээ бүртгүүлж байсан төхөөрөмжиндөө заавал бүртгүүлэх шаардлагагүй бөгөөд ерөнхий газар болон дүүргийн Улсын бүртгэлийн хэлтэс гээд хаанаас ч цаг бүртгэлийн нэгдсэн системийг ашиглаж болох юм. Ийнхүү албан хаагчдын цаг завыг хэмнээд зогсохгүй цалин хөлсийг нь алдагдалгүй, үнэн бодитой олгох нөхцлийг бүрдүүллээ.