МОНГОЛ УЛСЫН ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ - УЛСЫН БҮРТГЭЛИЙН ЕРӨНХИЙ ГАЗРЫН ХАРЬЯА ГАЗАР, ХЭЛТСИЙН ДАРГЫН албан тушаалд томилогдох ажилтны сонгон шалгаруулалтыг зарлаж байна.
Нэг.Нийтлэг зүйл
1. Төрийн албаны тухай хуулийн 17 дугаар зүйлийн 17.1 дэх хэсэг, УИХ-ын 2003 оны 13 дугаар тогтоолоор баталсан “Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”-ын 14 дүгээр зүйлийн 14 “в”- заалтыг тус тус үндэслэн Улсын бүртгэлийн ерөнхий газрын Иргэний бүртгэлийн газрын Иргэний бүртгэл, статистикийн хэлтсийн даргын албан тушаалд томилогдох ажилтны сонгон шалгаруулалтыг нээлттэй зарлаж байна.
2. Сонгон шалгаруулалтад орох иргэн нь Төрийн албаны тухай хуулийн 10.1-д заасан ерөнхий шаардлага болон томилох эрх бүхий этгээдийн баталсан ажлын байранд тавигдах дараах шаардлагыг хангасан байна:
Эд хөрөнгийн эрхийн бүртгэлийн газрын даргын, Эд хөрөнгийн эрхийн бүртгэлийн газрын Эд хөрөнгийн бүртгэл, цахимжуулалтын хэлтсийн даргын, Баян-Өлгий, Өвөрхангай аймгийн Улсын бүртгэлийн хэлтсийн даргын ажлын байрны сонгон шалгаруулалтыг УБЕГ-ын дэргэдэх Төрийн албаны зөвлөлийн салбар зөвлөлийн 2013 оны 11 сарын 29-ны өдрийн 30-р тогтоолын дагуу зарлалыг буцаан татсан болно.
2.1. Иргэний бүртгэлийн газрын Иргэний бүртгэл, статистикийн хэлтсийн даргын ажлын байрны шаардлага
|
Ерөнхий шаардлага |
Үзүүлэлт |
Чухал шаардлагатай |
Шаардлагатай |
|
Боловсрол |
Дээд боловсролтой |
- |
|
|
Мэргэжил |
Эрх зүйч, хүн ам зүйч |
- |
|
|
Мэргэшил |
- |
|
|
|
Туршлага |
Төрийн албанд 3-аас доошгүй жил ажилласан байх |
||
|
Ур чадвар |
Удирдан зохион байгуулах, багаар ажиллах, өөрчлөлтийг манлайлах, үр дүнд чиглэн ажиллах. |
||
|
Тусгай шаардлага |
Төрийн албан хаагчийн ёс зүйг хэлбэрэлтгүй сахих, төрийн нууц хадгалах |
Ажлын шаардлагаар илүү цагаар ажиллах |
|
3. Сонгон шалгаруулалтыг Улсын бүртгэлийн ерөнхий газрын дэргэдэх Төрийн албаны зөвлөлийн салбар зөвлөлөөс томилогдсон комисс зохион байгуулна.
Хоёр. Сонгон шалгаруулалтад орох иргэнийг бүртгэх
4. Сонгон шалгаруулалтад орох иргэний материалыг тус газрын төв байрны 208 тоот өрөөнд 2013 оны 12 дугаар сарын 09 -ний өдрийн 09:00-12:00, 13:00-17:00 цагийн хооронд хүлээн авч бүртгэнэ.
5. Сонгон шалгаруулалтад орохыг хүссэн албан хаагч дор дурдсан материалыг бүрдүүлэн өөрийн биеэр ирж бүртгүүлнэ. Үүнд:
1) Төрийн албан хаагчийн анкет; (маягт № 1)
2) Боловсролын дипломын хуулбар; /нотариатаар гэрчлүүлсэн хувь, эх хувийн хамт /
3) Ажилласан жилийг тооцох хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар, эх хувийн хамт; /ажилласан жилийг тооцох тул хөдөлмөрийн үйл ажиллагаагаа хөдөлмөрийн болон нийгмийн даатгалын дэвтэрт бичигдсэн он, сар, өдрөөр нь нарийвчлан бичиж бэлтгэж ирэх/,
4) Ажил байдлын тодорхойлолт;
5) 4х3-ийн хэмжээтэй 2 хувь цээж зураг;
6) Иргэний үнэмлэхийн хуулбар;
Дээрх баримт бичгийг дутуу бүрдүүлсэн иргэнийг бүртгэхгүй.
Гурав. Сонгон шалгаруулалт
6. Сонгон шалгаруулалтад орохоор бүртгүүлсэн иргэдийн материалыг бүрдлийн шаардлага хангаж байгаа эсэхийг сонгон шалгаруулах комисс тогтоож, шаардлага хангаагүй иргэнийг сонгон шалгаруулалтад оруулахгүй.
7. Сонгон шалгаруулалтыг Улсын Их Хурлын 2003 оны 13 дугаар тогтоолоор баталсан ”Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”, Төрийн албаны зөвлөлийн 2013 оны 14 дүгээр тогтоолоор баталсан зааврыг удирдлага болгон зохион байгуулна.
Харилцах хаяг: Улсын бүртгэлийн ерөнхий газрын төв байр Утас: 321242
УлСЫН БҮРТГЭЛИЙН ЕРӨНХИЙ ГАЗРын дэргэдэх
төрийн албаны зөвлөлийн салбар зөвлөл
