Сэлэнгэ аймгийн Түшиг сумын иргэдийн Төлөөлөгчдийн Хурлын төлөөлөгчийг нөхөн сонгох сонгуулийн санал авах өдрийг товлон зарласантай холбогдуулан Улсын бүртгэлийн ерөнхий газрын даргын 2013 оны 10 дугаар сарын 28-ны өдрийн 1306 тоот тушаалаар иргэдийн засаг захиргааны нэг нэгжээс нөгөө нэгжид шилжин суурьших хөдөлгөөний бүртгэлийг 2013 оны 10 дугаар сарын 28-ны өдрөөс эхлэн мөн оны 11 дүгээр сарын 8-ны өдрийг дуустал хугацаагаар Сэлэнгэ аймгийн Түшиг сумын хэмжээнд түр зогсоолоо.

Мөн Баян-Өлгий аймгийн Цэнгэл сумын иргэдийн Төлөөлөгчдийн Хурлын төлөөлөгчийг нөхөн сонгох сонгуулийн санал авах өдрийг товлон зарласантай холбогдуулан тус газрын даргын тушаалаар иргэдийн засаг захиргааны нэг нэгжээс нөгөө нэгжид шилжин суурьших хөдөлгөөний бүртгэлийг 2013 оны 10 дүгээр сарын 29-ны өдрөөс эхлэн мөн оны 11 дүгээр сарын 2-ны өдрийг дуустал хугацаагаар Баян-Өлгий аймгийн Цэнгэл сумын Харуул багийн хэмжээнд түр зогсоолоо. Үүнтэй холбогдуулан иргэдийн шилжилт хөдөлгөөний бүртгэлийн дэвтрийг заасан хугацаанд тасалбар болгон баталгаажуулж, нөөцөд байгаа иргэний улсын бүртгэлийн маягт /ИУБ-22/-ыг аймгийн Улсын бүртгэлийн хэлтэст татан байршуулж, арга хэмжээ авч, тайлагнахыг дээрх аймгийн хэлтсийн дарга нарт үүрэг болгов.