Тус газарт 6 дугаар сарын 1-нээс 6 дугаар сарын 31-нийг хүртэлх сарын хугацаанд нийт 8364 иргэн хандсанаас www.burtgel.mn сайтын Зочны дэвтрээр 41, This email address is being protected from spambots. You need JavaScript enabled to view it. хаягаар 678, Бүртгэлийн нэгдсэн лавлах 1890 утсанд 7645 дуудлага ирсэн байна.

Тус газар зөвхөн иргэдийн санал хүсэлтийг хүлээж авахаас гадна улсын бүртгэлийн үйл ажиллагаа, үйлчилгээний талаарх мэдээлэл, зөвлөгөөг цаг тухайд нь тогтмол өгөн ажиллаж байна. Харин Засгийн газрын 1111 мэдээллийн төв буюу www.zasag.mn цахим хуудаст тус газартай холбоотой асуудлаар 124 иргэн хандсанаас иргэний баримт бичигтэй холбоотой асуудлаарх санал хүсэлт 83, шүүмжлэл 15 ,гомдол 24, 2 өргөдөл тус тус ирүүлсэний 114 иргэнд хариуг цаг тухайд нь буцаан өгч шийдвэрлэлээ. Дээрх санал хүсэлтийг төрөлжүүлэн судалж үзэхэд нийт санал хүсэлтийн 60 гаруй хувь нь өнгөрсөн сард сонгууль болох гэж байсантай холбогдуулан сонгогчдын нэрийн жагсаалттай хэрхэн танилцах, шалгахыг хүссэн, мөн шилжих хөдөлгөөний бүртгэл, цахим үнэмлэхийн чипинд бичилт хийж уншигч төхөөрөмжүүдийг үйлчилгээний байгууллагуудаар тараах хэрэгцээ шаардлага байгаа талаарх санал хүсэлтүүд дийлэнх хувийг эзэлж байв. Түүнчлэн байгууллагын дотоод сүлжээний тогтвортой хэвийн үйл ажиллагааг бүрэн гүйцэд хангахыг, баримт бичгийн болон хүүхдийн төрөлтийн бүртгэл мэдээллийн санд тусгагдаагүйгээс халамж үйлчилгээний газраас мөнгөө авч чадахгүй байгаа талаарх санал хүсэлтүүд ирсэнийг шуурхай шийдвэрлэж ажилласан байна.