Сонгогч Та Монгол Улсын Ерөнхийлөгчийн сонгуулийн тухай хуульд заасны дагуу өөрийн харъяа хэсгийн хорооны санал авах байранд иргэний үнэмлэхтэйгээ очиж, биеийн давхцахгүй өгөгдөл /гарын хурууны хээ/-өө иргэний бүртгэлийн итгэмжлэгдсэн ажилтанд шалгуулна.

Үүний дараа иргэний бүртгэлийн итгэмжлэгдсэн ажилтан сонгогч таны цахим үнэмлэх, биеийн давхцахгүй өгөгдөл /гарын хурууны хээ/-ийг иргэний бүртгэлийн мэдээллийн улсын сан дахь сонгогчийн бүртгэлтэй тулган үзэж, зөрчилгүй бол сонгогчийн бүртгэлийн хуудсыг олгосноор сонгуульд саналаа өгөх эрхтэй. Иймээс Сонгогч Та Улс эх орон, өөрийн ирээдүйн сайн сайхны төлөө эрхээ эдлэн үүргээ биелүүлж, сонгуульдаа идэвхитэй оролцоорой.

УЛСЫН БҮРТГЭЛИЙН ЕРӨНХИЙ ГАЗАР