Энэ удаагийн ерөнхийлөгчийн сонгуулиар улсын хэмжээнд 1896 хэсэгт 2501 иргэний бүртгэлийн итгэмжлэгдсэн ажилтан ажиллуулахаар тус газар бэлтгэл ажлыг хангаад байна.

Энэ хүрээнд итгэмжлэгдсэн ажилтнуудтай гэрээ байгуулан ажилд оруулсан бөгөөд тэдэнд зориулсан эрх зүйн болон програмын сургалтыг энэ сарын 22-ны өдөр эхлүүллээ. Сургалтанд нийслэлд 368 хэсгийн 724, орон нутагт 1777 итгэмжлэгдсэн ажилтан ажиллах юм. Сонгуулийн хэсгийн хорооны дэргэд ажиллах иргэний итгэмжлэгдсэн ажилтнуудад зориулсан эрх зүйн болон програмын сургалтыг тус газрын холбогдох хүмүүс, сургагч багш нар заан явуулж байна.Сургалт энэ сарын 25-ны өдөр өндөрлөнө.