ЗАВХАН АЙМАГТ ЭД ХӨРӨНГИЙН ХУВИЙН ХЭРГИЙГ ЦАХИМЖУУЛАХ АЖИЛ АМЖИЛТТАЙ ЯВАГДАЖ БАЙНА

Мянганы сорилтын сангаас нийслэлийн дүүрэг болон бүсийн тулгуур найман аймагт “Хөрөнгийн эрхийн төсөл”-ийг хэрэгжүүлж байгаа бөгөөд төсөл хэрэгжиж байгаа аймгуудын нэг нь Завхан аймгийн Улсын бүртгэлийн хэлтэс билээ.

Тэгвэл тус аймагт энэхүү төсөл амжилттай хэрэгжиж, төслийн хүрээнд газар өмчлөлийн болон үл хөдлөх хөрөнгийн нийт 8000 гаруй хувийн хэргийг цахимжуулахаас одоогийн байдлаар 7516 хувийн хэргийг цахимжуулаад байна. Энэ нь 272834 хуудсыг цахимжуулаад байна гэсэн үг юм. Зөвхөн 4-р сард гэхэд л нийт 1360 хувийн хэрэг буюу 48255 хуудсыг цахимжуулсан байна.

ТӨРИЙН ҮЙЛЧИЛГЭЭГ ТАСРАЛТГҮЙ ШУУРХАЙ ХҮРГЭЖ БАЙНА

Завхан аймгийн Улсын бүртгэлийн хэлтэс нь өнгөрсөн сард нийт 1771 иргэнд улсын бүртгэлийн бүх төрлийн үйлчилгээг үзүүлсэн байна. Үүнээс 8 төрлийн лавлагаа нийт 335, иргэний үнэмлэхийн зурагтай лавлагаа 121, шинэчлэн бүртгэгдсэн хуулийн этгээд 3, өөрчлөн байгуулагдсан хуулийн этгээд 2, Шинээр бүртгэгдсэн хуулийн этгээд 103, нэмэлт өөрчлөлт орсон хуулийн этгээд 60, лавлагаа 861-ийг тус тус олгож үйлчилсэн байна. Мөн 4 дүгээр сард нийт 916 ширхэг цахим үнэмлэх хүлээж авсанаас сум тус бүрт нь цаг алдалгүй тарааж олгосон байна. Хяналт шалгалтын чиглэлээр 7 гадаад паспорт хүчингүй болгох, 292 өргөдөл, гомдлыг шийдвэрлэх, улсын байцаагчийн 91 дүгнэлт гаргах, 2276000 төгрөгийн торгууль ноогдуулах зэрэг өдөр тутмын ажлыг хуулийн хүрээнд хийж гүйцэтгэсэн байна. Мөн аймгийн Цагаанхайрхан, Цагаанчулуут, Отгон, Шилүүстэй зэрэг сумдад хяналт шалгалт хийжээ. Завхан аймгийн Улсын бүртгэлийн хэлтэс иргэдэд төрийн үйлчилгээг түргэн шуурхай хүргэх зорилгоор улсын архивч иргэний бүртгэлийн фондчинг хамт суулгах зохион байгуулалтын арга хэмжээ авч, иргэний болон хуулийн этгээдийн архивын өрөөний орчин нөхцлийг сайжруулахад түлхүү анхаарч, эмх цэгцийг сайжруулан зохих засвар үйлчилгээг хийн шинээр тавиур нэмж байршуулсан байна.

СПОРТЫН ТЭМЦЭЭНД ХАМТ ОЛНООРОО АМЖИЛТТАЙ ОРОЛЦЛОО

Завхан аймгийн төрийн байгууллагуудын дунд зохион байгуулагдсан “Ордны цом-2013” спортын арга хэмжээнд тус аймгийн Улсын бүртгэлийн хэлтэс баг, хамт олноороо амжилттай оролцож шилжин явах цомыг гардаж авлаа. Тэмцээнд гар бөмбөг, теннис, дартсын төрлөөр эрэгтэй эмэгтэй холимог багууд оролцсон бол снукер биллъяардын төрөлд эрэгтэй баг тамирчид өрсөлдсөн байна. Завхан аймгийн Улсын бүртгэлийн хэлтсийн хамт олон тэмцээний 4 төрлөөс 3 төрөлд алт, мөнгөн медаль хүртэж багын амжилтаараа “Ордны цом-2013” шилжин явах цомыг ийнхүү гардлаа. “Ордны цом-2013” спортын тэмцээн Завхан аймагт өнгөрсөн сарын 26, 27-ны өдрүүдэд болж өнгөрчээ.