Нийслэлийн Улсын бүртгэлийн газраас дүүрэг, хороодын хүн амын тоо, хаягийн хөдөлгөөний болон иргэний үнэмлэх бүртгэл, иргэний гэр бүлийн байдлын бүртгэлийн зөрчлийг илрүүлж арилгах , холбогдох өөрчлөлтийг мэдээлийн санд бүрэн тусгах , нэн ядуу, огт баримт бичиггүй иргэдийг бичиг баримтжуулах зорилгоор 3 дугаар сарын 23-наас 4 дүгээр сарын 23-ны өдрүүдэд нийслэлийн хэмжээнд “ Иргэний баримт бичгийн зөрчил арилгах , иргэний баримт бичиггүй иргэдийг бичиг баримтжуулах” сарын аяныг зохион байгуулан явууллаа.

Тус аяны хүрээнд нийслэлийн хэмжээнд нийт 797268 иргэн баримт бичгийн үзлэгт хамрагдснаас 19233 зөрчил илрүүлж, 16011 зөрчил арилгаж зөрчил арилгалт 83 хувьай явагдлаа. “ Иргэний баримт бичгийн зөрчил арилгах , иргэний баримт бичиггүй иргэдийг бичиг баримтжуулах” сарын аяны хүрээнд хийсэн судалгааг тоймлон үзэхэд иргэний үнэмлэхээ хаяж үрэгдүүлсэн 5349, шилжин суурьших хөдөлгөөний бүртгэлийн зөрчилтэй 4420, огт баримт бичиггүй 2528 үүнээс нэн ядуу баримт бичиггүй 256, төрсний гэрчилгээгүй санд тусгагдаагүй 741, овог, эцэг эхийн нэр зөрсөн 312, регистрийн дугаар зөрсөн 80, цахим санд нөхөн шивсэн 98, бусад 2483 нийт давхардсан тоогоор 16011 иргэний зөрчлийг арилгаад байна. Мөн энэ хүрээнд иргэдэд бүртгэлийн хууль тогтоомжийг сурталчлах, эрх зүйн мэдлэг олгох зорилгоор нийслэлийн 9 дүүргийн нутаг дэвсгэрт байрлах зарим ерөнхий боловсролын сургууль, төрийн болон төрийн бус байгууллага олон нийтийн газруудад “Танд тусалъя” арга хэмжээ зохион байгуулж Улсын Бүртгэлийн Ерөнхий хууль, Иргэний бүртгэлийн тухай хууль ,Захиргааны хариуцлагын тухай хууль , Гэр бүлийн тухай хуулиудын талаар мэдээлэл хийж, иргэний үнэмлэх олгох, иргэний шинэчилсэн бүртгэлд хэрхэн хамрагдах, иргэний шилжин суурьших хөдөлгөөний бүртгэлийн талаар заавар зөвлөмж өгч иргэний улсын бүртгэлийн үйлчилгээг хэрхэн авах талаар гарын авлага материал зэргийг тарааж, хууль сурталчилж ажилласан байна. Түүнчлэн нэн ядуу бичиг баримтгүй иргэдийн судалгааг нэгтгэн гаргаж дүүргүүдийн Засаг даргын тамгын газар, Халамжийн үйлчилгээний хэлтэс, Цагдаагийн хэлтэс, Улаан загалмайн нийгэмлэг, Дэлхийн зөн Олон улсын байгууллага, Амьдрах ухаан сургалт, үйлдвэрлэлийн үндэсний төв, Цэцэглэх ирээдүй ТББ, Эгэл амьдарлын мөр ТТБ, СОС хүүхдийн халамжийн төвтэй хамтран бичиг баримтжуулах болон төлбөр хураамж, санхүүгийн асуудлыг шийдүүлэн ажиллаж байгаа бөгөөд цаашид бичиг баримтжуулах ажлыг үргэлжлүүлэн явуулахаар төлөвлөж байна.