Монгол Улсын Ерөнхийлөгчийн сонгуулийн тухай хуулийн 20 дугаар зүйлийн 6 дугаар хэсэгт “иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг сонгууль товлон зарласан өдрөөс эхлэн санал хураалт дуустал улсын хэмжээгээр түр зогсооно гэж” заасан.

Монгол Улсын Их Хурлаас Монгол Улсын Ерөнхийлөгчийн ээлжит сонгуулийг 6 дугаар сарын 26-ний өдөр явуулахаар товлон зарласантай холбогдуулан Улсын бүртгэлийн ерөнхий газрын даргын 2013 оны 4 дүгээр сарын 19-ний өдрийн 483 дугаар тоот тушаалаар иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг 2013 оны 4 дүгээр сарын 22-ноос 6 дугаар сарын 26-ны өдрийг дуустал улсын хэмжээнд 60 хоногийн хугацаанд зогсоолоо.