Улсын бүртгэлийн ерөнхий газар үйл ажиллагаа, үйлчилгээг шинэчлэн сайжруулах зорилгоор Хууль зүйн сайдын 2013 оны тушаалаар тус газрын бүтэц, орон тооны дээд хязгаарыг 1288 байхаар баталж, зохион байгуулалтын өөрчлөлтийг хийлээ.

Өмнө нь Хууль зүй, дотоод хэргийн сайдын 2012 оны тушаалаар 1288 албан хаагчтай байхаар баталж байсан бол энэ удаа мөн л 1288 байхаар баталсан. Өөрөөр хэлбэл тус газрын бүтэц орон тоог хуучин хэвээр баталсан бөгөөд ямар нэгэн байдлаар ажлаас халагдсан албан хаагч байхгүй гэсэн үг юм. Харин зохион байгуулалт, бүтцийн хувьд тус газар нь 7 газар, 12 хэлтэстэй болсон. Энэ удаагийн бүтцийн өөрчлөлтийн нэг онцлог нь хуучин байсан Бүртгэлийн газрыг татан буулгаж, Иргэний, Эд хөрөнгийн эрхийн, Хуулийн этгээдийн бүртгэлийн чиглэлээр салгаж үйл ажиллагааг төрөлжүүлсэн. Энэ нь иргэдэд төрийн үйлчилгээг илүү ойртуулах, шуурхай, чирэгдэлгүй, хүртээмжтэй хүргэх нөхцлийг бүрдүүлж байгаа юм.