Улсын бүртгэлийн ерөнхий газрынхан уламжлал ёсоор өнөөдөр сар шинийн золголтоо хийлээ. Энэхүү золголтод Улсын бүртгэлийн ерөнхий газрын дарга Ц.Пүрэвдорж, Тэргүүн дэд дарга Т.Баттулга, Тамгын газрын дарга Ч.Чанлуулодой болон бусад газрын дарга нар оролцов.

Энэ үеэр тус газрын дарга Ц.Пүрэвдорж улсын бүртгэлийн төв, орон нутгийн нийт албан хаагч нартаа сар шинийн мэнд хүргэж “Улиран одсон луу жил бүртгэлийн байгууллагын хувьд ажлын ачаалалтай, хариуцлагатай жил байсныг онцолсон. Улсын Их хурлын болоод орон нутгийн сонгуулийн тухай хуулийг хэрэгжүүлэх хүрээнд нилээдгүй ажлыг зохион байгуулж үр дүнд хүрсэн. Мөн Монгол Улсын насанд хүрсэн нийт иргэддээ иргэний цахим үнэмлэхийг тарааж олгосон. Иймээс энэ усан могой жилдээ та бүхэн маань өмнөхөөсөө илүү эрч хүчээр дүүрэн байж, ихийг хийж бүтээх хэрэгтэй шүү” гээд ажлын амжилт хүслээ.