Улсын бүртгэлийн ерөнхий газраас төрийн үйлчилгээг иргэдэд хүртээмжтэй, шуурхай хүргэх хүрээнд 2009 оноос эхлүүлэн Бүртгэлийн нэгдсэн лавлах 1890 тусгай дугаарын утсыг энгийн утасны тарифаар ажиллуулж, иргэдэд бүртгэлийн үйлчилгээний талаарх мэдээлэл, зөвлөгөөг тогтмол өгсөөр ирсэн.

Тэгвэл он гарсаар бүртгэлийн нэгдсэн лавлах 1890 утсанд 01 дүгээр сарын 02-ноос 1 дүгээр сарын 16- ний өдрийг хүртэл нийт 3856 дуудлага, www.burtgel.mn “Зочны дэвтэр”-ээр 29, Online лавлах This email address is being protected from spambots. You need JavaScript enabled to view it. хаягаар 685 иргэний санал хүсэлтийг хүлээн авч, улсын бүртгэлийн талаарх мэдээлэл, зөвлөгөөг цаг тухайд нь өгсөн байна. Мөн Засгийн газрын 1111 мэдээллийн төвтэй тогтмол хамтран ажиллаж иргэдийн санал, хүсэлтийг дамжуулан хүлээн авч байгаа бөгөөд 01 дүгээр сарын 02-ноос 1 дүгээр сарын 16- ний өдрийг хүртэл нийт 103 дуудлага хүлээн авсан байна. Эдгээрээс тус газрын үйл ажиллагаа, үйлчилгээтэ холбогдуулан 70 нь санал хүсэлт, 3 шүүмжлэл, 30 гомдол тус тус ирүүлсний 101 иргэнд хариуг цаг тухайд нь буцаан өгч нийт санал хүсэлтийн 90 гаруй хувийг бүрэн шийдвэрлэсэн байна. Иргэдээс ирүүлж байгаа санал хүсэлтийн дийлэнх нь Халамж үйлчилгээний газарт нэр очоогүйн улмаас хүүхдийн мөнгө авч чадахгүй байна, цахим үнэмлэхээ хаяж үрэгдүүлсэн хэрхэн, яаж авах, 16 насанд хүрсэн цахим үнэмлэхээ яаралтай авах хүсэлтэй иргэд байгаа бол иргэн, эд хөрөнгө, аж ахуй нэгжтэй холбоотой өдөр тутмын бүртгэлийн үйлчилгээний талаар зөвлөгөө, мэдээлэл багагүй хувийг эзэлсэн байна.