Тус газраас жил бүр төв, орон нутгийн бүртгэлийн албан хаагчдыг мэргэжил арга зүйн удирдлагаар хангах хүрээнд сургалт, семинарыг тогмол зохион байгуулдаг уламжлалтай.

Тэгвэл өнгөрсөн амралтын өдрүүдэд Улсын бүртгэлийн газрын зарим албан хаагчдад иргэний бүртгэлийн онлайн програм хангамжийн чиглэлээр мэдээлэл өгөх, нэгдсэн ойлголтод хүргэх зорилгоор “Иргэний бүртгэлийн онлайн програм хангамж” сэдэвт сургалтыг зохион байгууллаа. Сургалтаар тус газрын Мэдээлэл, технологийн холбогдох дарга, мэргэжлийн хүмүүс цахим архив төслийн талаар болон иргэний бүртгэлийн онлайн програмын ажиллагаа, Улсын бүртгэлийн ерөнхий газрын системийн цаашдын чиг хандлагын талаар дэлгэрэнгүй танилцуулга, мэдээлэл хийж, сургалттай холбоотой асуудлаар албан хаагчдын санал, бодлыг сонсож хэлэлцүүлэг өрнүүлэв.

“Иргэний бүртгэлийн онлайн програм хангамж” сэдэвт сургалтын дараа оролцсон албан хаагчдаас газар дээр нь 15 асуулттай тестээр бүртгэлийн чиглэл тус бүрээр шалгалт авсан. Сургалтад тус газрын Бүртгэлийн газар (Иргэний бүртгэл, мэдээллийн хэлтэс, Гадаадад зорчих эрхийн бүртгэлийн хэлтэс), Бүртгэлийн хяналтын газар, Улсын бүртгэлийн төв архивын газар, Нийслэлийн бүртгэлийн газрын нийт 102 албан хаагч хамрагдав.