Тус газар энэ онд байгууллагын нээлттэй, ил тод байдлыг хангах, төрийн үйлчилгээг иргэдэд хүртээмжтэй хүргэх, ажлын бус цагаар иргэдэд үйлчлэх, бүртгэлийн бүхий л чиглэлээр болон бусад холбогдох хууль тогтоомжийг сурталчлах ажлын хүрээнд Монгол Улсын Ерөнхийлөгчийн “Нээлттэй хаалганы өдрийг зохион байгуулж байх тухай” 2007 оны 97 дугаар зарлигийн дагуу уг өдрийг сар бүрийн хоёр дахь долоо хоногийн Бямба гариг бүр уламжлал болгон тогтмол зохион байгуулж ажиллалаа.

Мөн нийтийг хамарсан бусад арга хэмжээ болон иргэний цахим үнэмлэх олгох ажлыг эрчимжүүлэх зорилгоор төв, орон нутгийн хэмжээнд “Цахим үнэмлэх” уриан дор 4 удаа буюу энэ онд “Нээлттэй хаалганы өдөр”-ийг нийтдээ 15 удаа зохион байгуулж, 9530 иргэн иргэдэд бүртгэлийн бүх төрлийн үйлчилгээг үзүүллээ. Дээрх өдрүүдийн хүрээнд тус газрын хэмжээнд 9530 иргэн үйлчлүүлсэн байна. Үүнээс иргэний бүртгэлийн чиглэлээр 1428, иргэний цахим үнэмлэх олголт 4201, архив, лавлагааг 1532, эд хөрөнгийн эрхийн бүртгэлээр 2574, хуулийн этгээдийн бүртгэлээр бүх төрлийн үйлчилгээг 549, Бүртгэлийн хяналтад 246 иргэнд тус тус үйчилгээ үзүүлсэн байна. “Нээлттэй хаалганы өдөр”-өөр хууль тогтоомжийн хүрээнд иргэд байгууллагаас өргөдөл, гомдлыг бичгээр болон утсаар, онлайнаар хүлээн авч цаг тухайд нь шийдвэрлэж өгч ажилласан байна.