Монгол улсад Эд хөрөнгийн эрхийн бүртгэлийн салбар үүсч хөгжсөний 15 жилийн ойд зориулж Улсын бүртгэлийн ерөнхий газар Монголын Мянганы сорилтын сангийн Хөрөнгийн эрхийн төслөөс хамтран зохион байгуулсан “Эд хөрөнгийн эрхийн бүртгэлийн өнөөгийн байдал, цаашдын чиг хандлага” сэдэвт семинар өнөөдөр болж өндөрлөлөө.

Семинарын үеэр Эд хөрөнгийн эрхийн бүртгэлийн салбарын үүсэл хөгжил, өнөөгийн байдлын талаар холбогдох байгууллагуудын төлөөллүүд илтгэл тавьсан бөгөөд Хөрөнгийн эрхийн төслийн “Эд хөрөнгийн эрхийн бүртгэлийн шинэ системийг тогтвортой хэрэгжүүлэх”зөвлөх багийнханманай улсын эд хөрөнгйин бүртгэлийн үйл ажиллагааг эрх зүйн орчин, бүртгэлийн байгуулагын бүтэц, зохион байгуулалт, хүний нөөц, санхүү бүртгэлийн систем, хэрэглэгчийн үйлчилгээ ба мэдээлэл солилцоо, эд хөрөнгийн бүртгэлийн цахим систем ба цахим архив гэсэн чиглэлээр нарийвчлан судалж, үнэлгээ хийсэн тайлангийнхаа үр дүнг танилцуулав. Мөн салбарын цаашдын чиг хандлагыг хэрхэн харж буйгаа оролцогдчын дунд нээлттэй байдлаар хэлэлцүүлэг өрнүүлэн, харилцан санал солилцсон нь ихээхэн үр дүнтэй болж өнгөрлөө.Хөрөнгийн эрхийн төслийн хүрээнд Дани, Шведийн хамтарсан нэгдэл “Оргут-Кови” консерциум нь 2013 оны наймдугаар сар хүртэл Эд хөрөнгийн эрхийн бүртгэлийн үйл ажиллагааг сайжруулах чиглэлээр “Эд хөрөнгийн эрхийн бүртгэлийн шинэ системийг тогтвортой хэрэгжүүлэх” зөвлөх үйлчилгээг үзүүлж байгаа билээ. Энэ удаагийн семинарт Газрын харилцаа, геодези, зураг зүйн газар, Нийслэлийн газрын алба, Татварын ерөнхий газар зэрэг төрийн байгууллагуудын төлөөлөлболон USAID-ийн Бизнесийг дэмжих төсөл(BPI), Монголын банкуудын холбоо, Үл хөдлөх хөрөнгийн зах зээл, хөгжлийн зөвлөл, Монголын нотариачдын танхим зэрэг төрийн бус байгууллага, төсөл хөтөлбөрүүдийн төлөөлөлөргөн хүрээтэй оролцож, үнэтэй санал зөвлөмжөө солилцлоо. Семинарт Хууль зүйн яамны Төрийн нарийн бичгийн дарга Ж.Баярцэцэг, Улсын бүртгэлийн ерөнхий газрын даргын үүргийг түр орлон гүйцэтгэгч Ц.Пүрэвдорж, АНУ-ын Мянганы сорилтын корпорацийн Суурин дэд төлөөлөгч Бурак Инанч, Монголын Мянганы сорилтын сангийн Гүйцэтгэх зархирлын үүрэг гүйцэтгэгч бөгөөд Үйл ажиллагаа хариуцсан захирал Б.Батбаатар, Монгол Улсын Шинжлэх ухааны академийн жинхэнэ гишүүн, академич Монгол Улсын Үндсэн хуулийн цэцийн дарга Ж.Амарсанаа болон холбогдох төрийн болон төрийн бус байгууллагуудын төлөөлөл оролцлоо.