Аймаг,сумг дүүргийн иргэдийн Төлөөлөгчдийн Хурлын сонгуулийн тухай хуулийг хэрэгжүүлэх ажлын хүрээнд нийт иргэний бүртгэлийн итгэмжлэгдсэн ажилтнуудыг хамруулсан “Сонгогчдын нэрийн жагсаалын цахим сангаас сонгогчийн хувийн мэдээллийг нягтлан шалгах програм хангамж, эрх зүйн” нэгдсэн сургалт орон нутагт энэ сарын 10-12-ны өдрүүдэд амжилттай явагдаж өндөрлөлөө.

Тус газрын зарим холбогдох газар, хэлтсийн дарга нар, мэдээлэл, технологийн инженер, техникийн мэргэжилтнүүд нийт 40 гаруй мэргэжлийн хүмүүс 21 аймагт ажиллаж сонгогчдын нэрийн жагсаалтын цахим сангаас сонгогчийн хувийн мэдээллийг нягтлан шалгах програмын хэрэглэгчийн эрх үүсгэх, нэвтрэх, түүнд өөрчлөлт оруулах зэрэг энэ чиглэлийн бүхий л програм хангамж, системийн танилцуулга, эрх зүйн чиглэлээр сургалтыг явуулсан юм. Мөн сонгуулийн нэгжийн комьютер, техник тоног төхөөрөмжтэй хэрхэн ажиллах, үзлэг, үйлчилгээ хийх, итгэмжлэгдсэн ажилтнуудыг газар дээр нь дадлага хийлгэх, шалгах улмаар мэргэжил арга зүйн зааварчилгаа өгсөн. Иргэний бүртгэлийн байгууллагын итгэмжлэгдсэн ажилтнуудын эрх зүйн болон програмын сургалтыг дээрх өдрүүдэд орон нутагт явуулсан бол энэ сарын 14-16-ны өдрүүдэд нийслэлд зохион байгуулахаар бэлтгэл ажлыг хангаад байна.