Шинэчлэлийн засгийн газар иргэдийн санал хүсэлтийг хүлээн авах 11 11 мэдээллийн төвийг 10 дугаар сараас ажиллуулж эхлээд 20 гаруй хонож байгаа билээ. Тэгвэл өнөөдөр тус мэдээллийн төвөөс яам, агентлагуудын лавлагааны операторуудад сургалт зохион байгуулав.

Сургалтаар 1111 мэдээллийн төвийн систем болон хэрхэн ажиллах талаар танилцуулга хийв. Мөн яам, агентлагуудын уг асуудлыг шууд хариуцаж, хариу өгөх ажилтнуудад системд хэрхэн холбогдох, ямар байдлаар хариу өгөх зэрэг асуудлаар заавар зөвлөгөө өгч, санал бодлоо солилцов.Тус төвөөс Засгийн газрын яам, агентлагийн эрхлэх асуудлын хүрээнд иргэдээс ирсэн санал, хүсэлтийг холбогдох яам, агентлагуудад хуваарилдаг юм. Өнөөдрийн байдлаар 1111 мэдээллийн төвөөр дамжин тус газарт 130 орчим иргэн санал хүсэлт, гомдол, талархлаа илэрхийлсэнийг цаг тухайд нь хариу өгч шийдвэрлээд байна.