Тус газар 2008 оноос хойш өнөөдрийг хүртэл сар бүрийн хоёр дахь долоо хоногийн Бямба гариг бүр Нээлттэй хаалганы өдрийг тасралтгүй зохион байгуулсаар ирсэн.

Тэгвэл өнгөрсөн амралтын өдөр уламжлал ёсоор ээлжит Нээлттэй хаалганы өдрийг төв, орон нутгийн хэмжээнд зохион байгуулж явуулав. Аймаг, сум, дүүргийн Иргэдийн төлөөлөгчдийн хурлын 2012 оны ээлжит сонгууль болохтай холбогдуулан иргэний цахим үнэмлэх олгох ажлыг эрчимжүүлэх зорилгоор сум, хорооны иргэний бүртгэлийн ажилтнууд бямба гариг бүр ажиллаж иргэдэд цахим үнэмлэх олгож байна. Тус газар энэ өдөр нийт 5037 иргэнд бүртгэлийн бүхий л чиглэлээр үйлчилгээ үзүүлсэнээс 4201 иргэний иргэний цахим үнэмлэхийг олгосон байна. Гадаад паспортын чиглэлээр 91, хуулийн этгээдийн бүртгэлийн чиглэлээр 56, эд хөрөнгийн эрхийн бүртгэлийн чиглэлээр 37, бүртгэлийн хяналтын чиглэлээр 21, архивын чиглэлээр 135, бусад иргэний гэр бүлийн байдлын бүртгэлийн чиглэлээр 496 иргэнд үйлчилгээ үзүүлсэн байна. Мөн энэ өдөр иргэдийн санал хүсэлтийг хүлээн авч, баримт бичгийн хадгалалт, эзэмшилт бүрдүүлэлтийн талаар заавар зөвлөгөө өгч, улсын бүртгэлийн хууль тогтоомж, түүний хэрэгжилтийг иргэд, олон нийтэд сурталчилж ажиллав.