Энэ оны 10 дугаар сарын 10-ны өдрийн байдлаар Монгол Улсын иргэний шинэчилсэн бүртгэлд бүртгэгдвэл зохих 16-аас дээш насны иргэний 96,4 хувь буюу 1995569 иргэн шинэчилсэн бүртгэлдээ хамрагдаад байна.

Тус газар иргэний шинэчилсэн бүртгэлийн мэдээлэлд суурилсан цахим үнэмлэх хэвлэх ажлыг энэ оны 7 дугаар сараас эхлүүлсэн бөгөөд 10 дугаар сарын 10-ны өдрийн байдлаар 1789640 үнэмлэх буюу 96.9 хувийг хэвлэн төв орон нутагт хүргүүлээд байна. Хүргэгдсэн цахим үнэмлэхээс өнөөдрийн байдлаар 1360559 цахим үнэмлэх буюу 76 хувь нь иргэдийн гарт олгогдоод байна. Цахим үнэмлэхийг иргэдэд олгох ажлыг шуурхай зохион байгуулах ажлын хүрээнд төв орон нутгийн сум хорооны улсын бүртгэгчид бямба гариг бүр буюу амралтын өдөр ажиллаж иргэдэд цахим үнэмлэх олгож байна.