Улсын бүртгэлийн ерөнхий газрын Өмнөговь аймаг дахь Улсын бүртгэлийн хэлтсийн шинэ байрны нээлтийн ёслолын арга хэмжээ өчигдөр боллоо.

Нээлтэнд Улсын бүртгэлийн ерөнхий газрын Тамгын газрын дарга Ч.Чанлуулодой, Өмнөговь Улсын бүртгэлийн хэлтсийн дарга Ч.Энхмөнх, тус аймгийн Засаг дарга Б.Бадраа, Засаг даргын Тамгын газрын дарга Б.Түвшинбаяр болон албаны бусад хүмүүс оролцов. Тус аймгийн засаг даргын санаачилгаар орон нутгийн зуун хувийн хөрөнгө оруулалтаар анх удаа Улсын бүртгэлийн хэлтсийн бие даасан барилгын ажлыг энэ оны 4 дүгээр сарын 1-ний өдрөөс эхлүүлээд байсан юм. Ийнхүү Өмнөговь аймгийн Улсын бүртгэлийн хэлтэс шинэ байртай болсоноор нэг талаас бүртгэлийн ажилтнуудын ажиллах нөхцөл дээшлэх, нөгөө талаас иргэдэд төрийн үйлчилгээг тав тухтай орчинд шуурхай, хүртээмжтэй хүргэх болсон нь ихээхэн ач холбогдолтой. Уг байрны барилгын ажлыг аймгийн “Даян байгаль” компани 5 сарын хугацаанд барьж гүйцэтгэсэн байна.