Цахим иргэний үнэмлэх хэвлэх, түгээх олгох ажил эхэлсэнтэй холбогдуулан одоогийн байдлаар Говьсүмбэр 7061, Говь-Алтай 27662 иргэний үнэмлэх хэвлэгдээд байна. Өмнөговь, Дундговь, Дорноговь, Дорнод, Завхан аймгуудын иргэний үнэмлэхний мэдээллийг хэвлэх машин руу оруулах ажлийг УБЕГ-ын Мэдээлэл Технологийн газар эхлүүлэн ажиллаж байна.

Хэвлэлтийн хувьд эхлээд хаягийн шилжилт хөдөлгөөн бага байдаг орон нутгаас эхэлж байгаа бөгөөд нийслэлийн иргэдийн цахим үнэмлэхийг түүний дараагаар хэвлэлтэнд оруулах төлөвлөгөөтэй байгаа. Түгээлт, олголтийн хувьд орон нутгуудын аймгуудад бүсчилсэн маршут гарган хүргэхээр бэлтгэж байна. Орон нутгийн иргэдийн цахим үнэмлэхийг хэвлэх хугацаанд хаягын шилжилт хөдөлгөөн ихтэй байдаг Нийслэлчүүд шилжилтээ хийлгэх бүрэн боломжтой юм. Цахим үнэмлэх хуучин хаягаар хэвлэгдсэн тохилдолд бэлдэц дээр нэмэлт тэмдэглэгээ хийхгүй бөгөөд ахин шинээр хураамжаа төлөн шинэчлүүлэн авах юм. Аймаг, нийслэл, сум, дүүргийн иргэдийн төлөөлөгчдийн хурлын төлөөлөгчдийг сонгох 2012 оны сонгуулиас өмнө Монгол Улсын иргэн бүрийг цахим үнэмлэхжүүлэх ажлийг хуваарийн дагуу УБЕГ хийж байна.