Улсын бүртгэлийн ерөнхий газар иргэний үнэмлэхээ хаяж үрэгдүүлсэн, ашиглах боломжгүй болгосон, хүчинтэй хугацаа дууссаны улмаас бүртгэлийн байгууллагаас иргэний үнэмлэхийн лавлагаа авсан иргэдийн иргэний цахим үнэмлэхийг Монгол Улсын Их Хурал, Нийслэлийн Иргэдийн Төлөөлөгчдийн сонгуулийн өмнө хэвлэж иргэдэд олгосон.

Бусад иргэдийн цахим үнэмлэхийг 2012 оны 7 дугаар сарын 11-ний өдрөөс хэвлэж эхлэнэ. Иймд Монгол Улсын Их Хурал, Нийслэлийн Иргэдийн Төлөөлөгчдийн хурлын сонгуультай холбоотойгоор иргэдийн шилжилт хөдөлгөөн 2 сарын хугацаанд түр зогссоноос үүдэн шилжилт хөдөлгөөнөө хийлгэж амжаагүй иргэд 2012 оны 7 дугаар сарын 10-ны дотор шилжилт хөдөлгөөнөө хийлгэнэ үү. Монгол Улсын Засгийн газраас иргэний цахим үнэмлэхийг иргэнд эхний удаа үнэ, төлбөргүй олгохоор шийдвэрлэсэн бөгөөд цаашид цахим үнэмлэхээ хаяж гээгдүүлсэн, шилжилт хөдөлгөөн хийгдэж хаягийн мэдээлэл өөрчлөгдсөн тохиолдолд иргэд тодорхой хэмжээний төлбөртэйгээр шинэ үнэмлэх авах юм. 2012 оны 7 дугаар сарын 10-ны өдрийг дуустал (7, 8-ны бямба, ням гарагуудад мөн адил) нийслэл, аймгийн бүртгэлийн хэлтсийн бүртгэгч нар өдөр бүр ажиллах бөгөөд энэ хугацаанд иргэд шилжилт хөдөлгөөнөө хийлгэхээс гадна хувийн мэдээлэл нь алдаатай тохиолдолд залруулах боломжтой юм. Монгол Улсын иргэн Та иргэний үүргээ биелүүлж дээрх хугацаанд шилжилт хөдөлгөөнөө хийлгэнэ үү.