Тус газраас өнөөдөр сонгогчдийн нэрийн жагсаалтыг эцсийн байдлаар гаргаж сонгууль өгөх иргэдийн тоог албан ёсоор гаргаснаа мэдээллээ. Улсын хэмжээгээр сонгогчдийн нэрийн жагсаалтыг гаргах явц гурван үе шаттайгаар явагдсан.

Үүнд нэгдүгээрт иргэний шинэчилсэн бүртгэлд тулгуурлан энэ оны гуравдугаар сарын 15-нд сонгогчдын нэрийн жагсаалтыг гаргаж хуулийн хугацаанд цахим хуудсандаа байршуулсан. Хоёрдугаарт санал хураахаас 55 өдрийн өмнө нэрийн жагсаалтыг СЕХ- нд 5 дугаар сарын 3-ны өдөр хүлээлгэн өгсөн юм. Харин өнөөдрийн байдлаар хамгийн сүүлийн үе шатны ажил явагдаж дуусаад байна. Нийт улсын хэмжээнд санал өгөх сонгуулийн насны албан ёсны 1,833,478 иргэн бүртгэлтэй байна. Үүнээс орон нутагт 1,029,008 иргэн байгаа бол нийслэлд 804,470 иргэн сонгууль өгөхөөр бүртгүүлсэн байна. Улсын хэмжээнд нийт 1906 хэсгийн хороод байдаг. Хэсэг хороогоор нь нарийвчлан сонгогчдын нэрийг гаргасан учир ямар нэгэн байдлаар өөр хэсгийн хороонд давхар санал өгөх ямар ч боломжгүйг тус газар хариуцлагтайгаар мэдэгдэж байна.