Тайландын Вант Улсын Бангкок хотод энэ оны 6 дугаар сарын 5-7-ны өдөр Олон улсын шилжилт хөдөлгөөний байгууллага болон смарт карт холбооноос /APSCA/ зохион байгуулсан “Хилийн менежментийн чадавхийг сайжруулах техникийн хамтын ажиллагааны 2 дугаар бага хурал”-д тус газрын Мэдээлэл, технологийн газрын мэргэжилтэн Монгол Улсын иргэний цахим үнэмлэхийн талаар танилцуулан амжилттай оролцоод ирлээ.

Энэхүү хуралд Ази номхон далайн орнуудын засгийн газар, гадаадын иргэн, харьяатын газар, хилийн удирдлагын агентлагууд болон аялалын бичиг баримт, хилийн менежменттэй холбоотой орчин үеийн шинжлэх ухаан, техникийн шийдлүүдийг хуваалцах хүсэлтэй бусад улс орны төрийн болон төрийн бус байгууллага, компаниийн төлөөлөгчид хүрэлцэн ирсэн юм. Ази номхон далайн бүсийн хил гаалийн байгууллага болон тэдний гол түнш байгууллагуудад илүү ойр хамтран ажиллах, зөвлөлдөх боломж олгосноороо энэхүү бага хурал илүү онцлогтой байсан бөгөөд хурлын үеэр цахим үнэмлэх, цахим паспорт нийлүүлэгч компаниудын бүтээгдэхүүний үзэсгэлэн гарсан байлаа.