Улсын бүртгэлийн ерөнхий газраас Монгол Улсын Их Хурлын тухай хуулийн 20.4 дэх 13.1 д заасны дагуу сонгуулийн насны 1.829.879 сонгогч иргэний мэдээллийг 3 дугаар сарын 15-ны өдрийн дотор өөрийн байгууллагын www.burtgel.mn цахим хуудсанд байршуулж, иргэн бүрийг сонгогчдын нэрийн жагсаалт дахь өөрийн мэдээлэлтэй танилцах боломжийг хангасан билээ.

Тэгвэл өнөөдөр тус газар Монгол Улсын Их Хурлын сонгуулийн тухай хуулийн 20.4, 20.7 дахь хэсэгт заасны дагуу тус газрын цахим хуудаст байрлуулсан сонгогчдын нэрийн жагсаалтад тухайн үед бүртгэгдээгүй буюу буруу бүртгэгдсэн, сонгогчийн эцэг /эх/-ийн нэр, өөрийн нэр, иргэний үнэмлэхийн болон регистрийн дугаар, оршин суугаа газрын хаягийн өөрчлөлт зэрэг бүртгэлтэй холбогдсон өөрчлөлтийг тусган сонгогчдын нэрийн жагсаалтыг 26 тойрог, 1908 хэсгийн хороогоор гарган 1.839.984 сонгогч иргэний нэрийн жагсаалтыг Сонгуулийн ерөнхий хороонд цаасан болон цахим хэлбэрээр хүлээлгэн өглөө.