Улсын бүртгэлийн ерөнхий газрын 7 газар, хэлтсийн 17 албан хаагч Удирдлагын академид "Төрийн албан хаагчийн манлайлал" сэдэвт 5 хоногийн сургалтанд хамрагдаж, төрийн албан хаагчийн харилцааны ур чадвар, ёс зүйн хэм хэмжээнээс эхлээд ажлын бүтээмжтэй баг хамт олныг хэрхэн бүрдүүлэх, бусдыгаа хэрхэн манлайлан удирдах чиглэлээр номын дуу сонсов.

Энэхүү “Төрийн албан хаагчийн манлайлал” сэдэвт 40 цагийн сургалтаар Төрийн байгууллагын өөрчлөлт, хөгжил, гүйцэтгэлийн болон бүтээмжийн удирдлагыг хэрхэн бий болгох, стратеги төлөвлөлтийн арга зүйг хэрхэн төлөвлөх, оновчтой багийг яаж бүрдүүлэх цахим засаглал, түүний хэрэглээ, төрийн албан хаагчийн ёс зүй, харилцааны ур чадвар ажлын үр дүнд нөлөөлөх нь зэрэг сэдвээр суралцаж манлайлах ур чадварын мэдлэгээ хамт олон, баг бүрэлдэхүүндээ хэрэгжүүлэх хүсэл тэмүүлэлтэйгээр сургалтын сертификатаа гардан авсан юм. Сургалтын хичээлийг Удирдлагын академийн мэргэшсэн баг хамт олон, багш нар удирдан зааж явуулав.