Монгол Улсын иргэний үнэмлэхийг шинэчлэн олгох бэлтгэл ажлын хүрээнд Нийслэлийн бүртгэлийн газар, дүүргийн бүртгэлийн алба, хороны улсын бүртгэгч нарт иргэний үнэмлэх хэвлэх, түгээх, олгох ажиллагаа, бүртгэлийн шинэ систем, Монгол Улсын Их Хурлын сонгуулийн сонгогчдын нэрийн жагсаалт үйлдэх ажиллагааны талаар мэдээлэл өгөх, нэгдсэн чиглэлээр хангах зорилгоор "Иргэний үнэмлэх, бүртгэлийн шинэ систем" сургалтыг энэ сарын 22-23-ны өдрүүдэд зохион байгуулав.

Сургалтаар иргэний улсын бүртгэлийн шинэчилсэн болон иргэний гэр бүлийн 8 төрлийн бүртгэл, шилжилт хөдөлгөөний оплайн програмын талаар мөн иргэний шинэчилсэн бүртгэлийн үед гарсан зөрчил дутагдал, цахим үнэмлэх олгоход анхаарах асуудал, сонгогчдын нэрийн жагсаалт үйлдэх, түүнийг нягтлан шалгах зэрэг сэдвийн хүрээнд явагдав. Сургалтанд Нийслэлийн бүртгэлийн газар, дүүргийн бүртгэлийн алба, хорооны улсын бүртгэгч нар нийт 190 гаруй албан хаагч хамрагдлаа.