Улсын бүртгэлийн ерөнхий газар болон Оросын Холбооны Улсын Хууль зүйн яамны дэргэдэх Улсын бүртгэлийн газар хооронд хамтран баталсан

“Хамтын ажиллагааны хэлэлцээр”-ийн хүрээнд Оросын холбооны Улсын Хууль зүйн яамны дэргэдэх Улсын бүртгэлийн газрын орлогч дарга Александр Петрович Исаханов, Зөвшөөрөл визны асуудал хариуцсан газрын орлогч дарга Валерий Федорович болон бусад албаны хүмүүс тус газарт энэ сарын 5-7-ны өдрүүдэд ажлын айлчлал хийнэ. Энэхүү айлчлалаар хоёр улсын бүртгэлийн байгууллагын хамтын ажиллагааны цаашдын чиглэл, боломжийг нарийвчлан тодорхойлох улмаар Улсын бүртгэлийн ерөнхий газрын болон тус газрын Хуулийн этгээдийн бүртгэлийн газрын үйл ажиллагаатай танилцах, харилцан ашигтай харилцааг бататган хөгжүүлэх зэргээр санал солилцоход айлчлалын зорилго орших юм.