Улсын бүртгэлийн ерөнхий газрын зүгээс иргэний цахим үнэмлэхийг олгохдоо иргэдийг аль болох чирэгдүүлэхгүй цаг завийг нь хэмнэж, өртөг багатайгаар иргэдийн гарт хүргэхийг зорьж Засгийн газарт үнэ төлбөргүй олгох тухай саналаа хүргүүлээд байсан билээ.

Тэгвэл өнөөдрийн Засгийн газрын хуралдаанаар уг асуудал хэлэлцэгдэж эхний ээлжинд 2012 оны 6 дугаар сарын 30-ны өдрийг хүртэл үнэ төлбөргүй олгохоор шийдвэрлэлээ. Иймээс 16аас дээш насны иргэн бүрт эхний ээлжинд анх удаа цахим үнэмлэх авахад үнэ төлбөргүй авна. Харин уг үнэмлэхээ хаяж үрэгдүүлээд дахин авах гэж байгаа тохиолдолд одоогийн иргэний үнэмлэхийг авдаг жишгээр үнэ хураамжаа төлөөд авах юм.