Иргэний шинэчилсэн бүртгэлд хамрагдсан иргэдийн баримт бичгийн зөрчлөө арилгахад нь туслах зорилгоор Иргэний бүртгэлийн газраас дараах зөвлөмжийг өгч байна.
| 1. | Үндсэн мэдээллийн санд овог, нэр зөрсөн зөрчил: | -Нийслэлийн харъяа иргэд УБЕГ-ын үйлчилгээний 2-р байрны иргэний бүртгэл, мэдээллийн хэлтсийн 14,15 номерийн цонхны иргэний бүртгэлийн ажилтанд,орон нутгийн харъяа иргэд аймгийн Улсын бүртгэлийн хэлтэст сумын бүртгэлийн ажилтнаар дамжуулан зөвлөгөө авч зөрчлөө арилгуулснаар Хөдөлмөр халамж үйлчилгээний газарт иргэний нэр явж «Хүний хөгжил сан»-аас хишиг, хувь хүртэх боломжтой болно. |
| 2. | Үндсэн мэдээллийн санд бүртгэлгүй гэсэн зөрчил: | -Нийслэлийн харъяа иргэд УБЕГ-ын 2-р байрны Иргэний бүртгэл мэдээллийн хэлтсийн 14,15 номерийн цонхны иргэний бүртгэлийн ажилтанд хандан мэдээллийн сангийн ХААТР-1 маягтыг шүүлгэх ба орон нутагт аймгийн Улсын бүртгэлийн хэлтсийн иргэний бүртгэлийн тасагт сумын бүртгэлийн ажилтнаар дамжуулан мэдээллийн сангийн ХААТР-1 маягтыг шүүлгэж бүртгэлд орно. ХААТР-1 маягт гараагүй тохиолдолд харъяа иргэний баримтын архивт төрсний бүртгэлээ шүүлгэж, холбогдох баримт бичгийг бүрдүүлж нөхөн бүртгүүлснээр зөрчилгүй болно. |
| 3. | Төрсний бүртгэлд бүртгэлгүй гэсэн зөрчил: | -Нийслэлийн харъяа иргэд УБЕГ-ын 2-р байрны Иргэний бүртгэл мэдээллийн хэлтсийн 14,15 номерийн цонхны иргэний бүртгэлийн ажилтанд хандан төрсний бүртгэлийн ХААТР-11 маягтыг шүүлгэх ба орон нутагт аймгийн Улсын бүртгэлийн хэлтсийн иргэний бүртгэлийн тасагт сумын бүртгэлийн ажилтнаар дамжуулан төрсний бүртгэлийн ХААТР-11 маягтыг шүүлгэнэ. Төрснийг бүртгэсэн тухай мэдээлэл гараагүй тохиолдолд тухайн иргэний төрснийг нотлох эмнэлгийн тодорхойлолт болон холбогдох баримт бичгийг бүрдүүлэн сумын бүртгэлийн ажилтанд хандан нөхөн бүртгүүлснээр та зөрчилгүй болно. |
| 4. | Төрсний бүртгэлд овог, нэр зөрсөн зөрчил: | -Тухайн хүүхдийн гар дээрх баримт бичиг, иргэний баримтын архивын мэдээлэлтэй зөрсөн тохиолдолд орон нутагт аймаг, сумын, нийслэлд УБЕГ-ын үйлчилгээний 2-р байрны Иргэний бүртгэл, мэдээллийн хэлтсийн 14,15 номерийн цонхны иргэний бүртгэлийн ажилтанд хандаж зөрчлөө засаж арилгуулна. |
| 5. | Шинэчилсэн бүртгэлд регистрийн дугаар давхардсан зөрчил: | -Шинэчилсэн бүртгэлд регистрийн дугаар давхардсан зөрчилтэй иргэд нийслэлд УБЕГ-ын Бүртгэлийн хяналтын газар, орон нутагт аймгийн улсын бүртгэлийн хэлтсийн хяналтын улсын байцаагчид сумын бүртгэлийн ажилтнаар дамжуулан зөрчлөө арилгуулна. |
| 6. | Шинэчилсэн бүртгэлд маягтын дугаар давхардсан зөрчил: | -Иргэний шинэчилсэн бүртгэлд хамрагдсан иргэдийн биеийн давхцахгүй өгөгдлийн ИУБ-31 маягтын дугаар нь өөр иргэний маягтын дугаартай давхардсан тохиолдолд энэ зөрчил гарах магадлалтай тул нийслэлд УБЕГ-ын Бүртгэлийн хяналтын газарт, орон нутагт аймгийн улсын бүртгэлийн хэлтсийн хяналтын улсын байцаагчид хандан давхардсан зөрчлөө арилгуулна. |
| 7. | Шинэчилсэн бүртгэлд хурууны хээ давхардсан зөрчил: | -Иргэн та иргэний шинэчилсэн бүртгэлд биеийн давхцахгүй өгөгдлөө нэг л удаа өгч бүртгэлд хамрагдана. Гэвч зарим иргэн нийслэл, орон нутаг, гадаадын улс орнуудад шинэчилсэн бүртгэлд дахин хамрагдажхурууны хээгээ давхардуулах тохиолдол гарч байгаа тул нийслэлд УБЕГ-ын Бүртгэлийн хяналтын газар, орон нутагт аймгийн Улсынбүртгэлийн хэлтсийн бүртгэлийн хяналтын улсын байцаагчид хандаж зөрчлөө арилгуулна. |
| 8. | Иргэний үнэмлэхний мэдээллийн санд ороогүй зөрчил: Нийслэлийн харъяа иргэд: Орон нутгийн харъяа иргэд: |
-УБЕГ-ын 2-р байрны иргэний бүртгэл, мэдээллийн хэлтсийн 14,15 номерийн цонхны иргэний бүртгэлийн ажилтанд хандан иргэний үнэмлэх авсан ХААТР-21 маягтыг шүүлгэж иргэний үнэмлэхний мэдээллийн санд нөхөн тусгуулна. Иргэний үнэмлэхний ХААТР-21 маягт гараагүй тохиолдолд Нийслэлийн бүртгэлийн газрын архивт шүүлгэж санд оруулснаар зөрчил арилна. -Аймгийн улсын бүртгэлийн хэлтсээрээ дамжууланиргэний баримтын архиваас иргэний үнэмлэх авсан ХААТР-21 маягтыг шүүлгэж мэдээллийг дамжуулан санд нөхөн тусгуулна. -Хэрвээ иргэн шилжилт хөдөлгөөн хийлгээд /нийслэлээс орон нутагт, орон нутгаас нийслэлд шилжин ирсэн/ иргэний үнэмлэхний ХААТР-21 маягт нийслэл, орон нутгаас шүүлгээд гараагүй тохиолдолд харъяа Улсын бүртгэлийн хэлтсээрээ дамжуулан тухайн шилжин явсан газрын архивт хувийн хэргээ шүүлгэж мэдээллийг дамжуулан санд нөхөн тусгуулснаар зөрчил арилна. |
| 9. | Иргэний үнэмлэхний мэдээллийн санд овог, нэр зөрсөн зөрчил: Иргэний үнэмлэхний овог, нэрийн үсгийн зөрүүтэй иргэд: Иргэний үнэмлэхний овог, нэр зөрсөн иргэд: | -Иргэн таны гар дээрх иргэний үнэмлэх овог, нэрийн үсгийн зөрчилгүй боловч мэдээллийн санд алдаатай орсон тохиолдолд харъяа аймаг, нийслэлийн бүртгэл мэдээллийн хэлтэс, тасагт иргэний үнэмлэхээ үзүүлж иргэний үнэмлэхний мэдээллийн сангийн овог, нэрийн үсэг буруу орсон зөрчлөө арилгуулна. Харин иргэний үнэмлэхний овог, нэрийн үсэг алдаатай хэвлэгдсэн тохиолдолд иргэний үнэмлэхээ зөв овог, нэрээр дахин авсанаар зөрчил арилна. -Харъяа оршин суугаа аймаг, нийслэлийн иргэний бүртгэл, мэдээллийн хэлтэс, тасагт шүүлгэж, овог, нэрийн зөрчлөө арилгуулна. |
| 10. | Овог, нэр өөрчлөлтийн мэдээлийн санд овог, нэр зөрсөн зөрчил: | -Нийслэлийн харъяа иргэн УБЕГ-ын иргэний бүртгэл, мэдээллийн хэлтсийн 14,15 болон иргэний баримтын архивын3-10 номерийн цонхны бүртгэлийн ажилтанд, орон нутгийн харъяа иргэд аймгийн иргэний бүртгэлийн тасаг, сумын иргэний бүртгэлийн ажилтнаар дамжуулан өөрийн баримт бичиг, овог, нэр өөрчлөлтийн гэрчилгээтэйгээ иргэний овог, эцэг/эх/-ийн нэр, нэр өөрчилсөн бүртгэлийг шүүлгэж бүртгэлд гарсан зөрчлөө засаж, арилгуулна. |
| 11. | Эцэг тогтоолтийн мэдээллийн санд овог, нэр зөрсөн зөрчил: | -Нийслэлийн харъяа иргэн УБЕГ-ын 2-р байрны 14,15 номерийн цонхны иргэний бүртгэлийн ажилтанд хандана. Орон нутгийн харъяа иргэн аймгийн Улсын бүртгэлийн хэлтэс, сумын бүртгэлийн ажилтнаар дамжуулан эцэг тогтоосний бүртгэлд гарсан зөрчлөө арилгууна. |
| 12. | Үрчлэлтийн мэдээллийн санд овог, нэр зөрсөн зөрчил: | -Хүүхэд үрчилсний бүртгэлд хүүхдийн овог, нэр болон овог, нэрийн үсэг зөрсөн алдаа заасан тохиолдолд үрчлэлтийн бүртгэлийг хэдэн онд хаана хийлгэсэн, үрчлүүлсэн болон үрчилж авсан эцэг эх, өөрийн нэрийг тус газрын иргэний бүртгэл мэдээллийн хэлтсийн 14,15 болон иргэний баримтын архивын 3-10номерийн цонхны бүртгэлийн ажилтанд, орон нутагт аймгийн Улсын бүртгэлийн хэлтсийн иргэний бүртгэлийн тасагт сумын бүртгэлийн ажилтнаар дамжууланшүүлгэж зөрчлөө арилгуулна. |
| 13. | Үндсэн мэдээллийнсан,төрсний бүртгэл,үрчлэлтийн бүртгэл,овог, нэр өөрчилсөн тухай, эцэг тогтоосон тухай, нас барсан тухай мэдээлэлд нэгээс олон байна гэсэн зөрчил: | -Нийслэлд УБЕГ-ын Бүртгэлийн хяналтын газрын хяналтын улсын байцаагчид, орон нутагт аймгийн бүртгэлийн хэлтсийн хяналтын улсын байцаагчид, сумын иргэдийн хувьд бүртгэлийн ажилтнаар дамжуулан мэдээллийн сангийн давхардлаа арилгана. |
| 14. | Харъяатаас гарсан тухай мэдээлэлд овог, нэр зөрсөн зөрчил: | -Нийслэлийн харъяа иргэд УБЕГ-ын Бүртгэлийн хяналтын газар, орон нутгийн харъяа иргэд аймгийн улсын бүртгэлийн хэлтсийн хяналтын улсын байцаагчид, сумын бүртгэлийн ажилтнаар дамжуулан зөрчлөө арилгууна. |
| 15. | Нас барсан тухай мэдээлэлд овог, нэр зөрсөн зөрчил: | -Иргэний шинэчилсэн бүртгэлд хамрагдсан иргэний регистрийн дугаар нь өөр хүний регистрийн дугаартай давхардсанаас энэ зөрчил гарч байгаа тул иргэд тус газрын Бүртгэлийн хяналтын газар, орон нутагт аймгийн бүртгэлийн хэлтсийн хяналтын улсын байцаагчид, сумын бүртгэлийн ажилтнаар дамжуулан зөрчлөө арилгуулна. |
