Улсын бүртгэлийн ерөнхий газрын удирдлагууд өнгөрсөн ням гарагт төвийн сонин сэтгүүл, сайтууд, телевизийн сурвалжлагч, сэтгүүлчидтэй «Нүхт» цогцолборт зангиагүй уулзалт хийлээ.

Уулзалтанд тус газрын дарга Л.Мөнхбаатар, орлогч дарга С.Энхбаатар, орлогч дарга Д.Пүрэвдорж, Тамгын газрын дарга Б.Баатарсайхан, Иргэний бүртгэлийн газрын дарга Д.Энхцэцэг, Мэдээлэл технологийн газрын дарга Б.Чинбат, Улсын бүртгэлийн төв архивын дарга С.Содномдорж, Нийслэлийн бүртгэлийг газрын дарга Г.Анхныбаяр, Хуулийн этгээдийн бүртгэлийн газрын дарга Б.Нямдулам, Бүртгэлийн хяналтын газрын дарга Ч.Ганзориг, Эд хөрөнгийн эрхийн бүртгэлийн газрын дарга Ч.Чанлуулодой, орлогч дарга Ж.Амарсайхан, тус газрын хэлтсийн дарга С. Зулжаргал, Н.Бямбадорж нар сэтгүүлчдийг хүлээн авч уулзлаа. Уулзалтын эхэнд ерөнхий газрын дарга Л.Мөнхбаатар 11 дүгээр сарын 23-ны өдөр бол Монгол улсын бүртгэлийн ажилтны өдөр байдаг. Энэ өдрийг тохиолдуулан УБЕГ-аас авч хэрэгжүүлж буй арга хэмжээ, үйл ажиллагааныхаа талаар Зангиагүй уулзалтыг зохион байгуулдаг уламжлал тогтож байгааг хэлсэн юм. Тэрээр мөн Засгийн газраас бүртгэлийн үйл ажиллагааг боловсронгуй болгох зорилтын хүрээнд Улсын бүртгэлийн ерөнхий газар тодорхой бодлого, шийдвэрийг батлуулж, эрх зүйн үндсийг бүрдүүлэн, бүртгэлийн байгууллагын техник, технологийг боловсронгуй болгох үйл ажиллагааг явуулж ирсэн тухайгаа онцлон хэлсэн юм. Байгууллагын газар хэлтсийн удирдлагууд оролцсон зангиагүй уулзалтаар бүртгэлийн байгууллагын хийж, хэрэгжүүлж буй ажил, түүний үр дүн, цаашид авч хэрэгжүүлэхээр төлөвлөж буй ажлынхаа талаар сэтгүүлчдэд дэлгэрэнгүй танилцуулж, тэдний сонирхсон асуултад холбогдох дарга нар нь хариулт өгч хэлэлцүүлэг өрнөсөөр 2 дахь жилдээ зохион байгуулагдаж буй энэхүү уулзалт ийнхүү амжилттай болж өндөрлөсөн юм.