Хилийн чанадад дахь иргэний шинэчилсэн бүртгэлд өнөөдрийн байдлаар нийт 26000 гаруй иргэн бүртгэлдээ хамрагдаад байгаа бөгөөд эдгээр иргэний 85 хувь нь бүртгэлийн мэдээлэл нь шалгагдан баталгаажиж Хөдөлмөр халамж үйлчилгээний газарт хүргэгдээд байна.

Өнөөдрийн байдлаар АНУ, Австрали, Англи, Австри, БНАСАУ, Беларусь, Бельги, Болгар, Вьетнам, Герман, Египет, Казакстан, Канад, Куба, Кувейт, Лаос, ОХУ, Польш, Сингапур, Солонгос, Тайвань, Тайланд, Турк, Украин, Унгар, Франц, Хятад, Чех, Швед, Швейцарь, Энэтхэг, Япон зэрэг 30 гаруй улсын дипломат төлөөлөгчийн газарт хилийн чанадад дахь иргэний шинэчилсэн бүртгэл явагдаж байгаа билээ. Тухайлбал эдгээр улсаас монголчууд олноор суудаг БНСУ-д 10715, АНУ 4010, Чех 2960, Англи 1568, Швед 1462, Франц улсад 1035 иргэн тус тус бүртгэгдсэн байна.