Төрөөс иргэд байгууллагад үзүүлэх үйлчилгээг шинэ шатанд гаргах, иргэдийн зүгээс төр, засагт хандах мэдээллийн шинэ урсгалыг бий болгох бодлого баримталж байгаа билээ.

Иймээс энэхүү зорилтын хүрээнд улсын бүртгэлийн байгууллагын үйл ажиллагаа, үйлчилгээний мэдээллийг иргэд, хуулийн этгээдэд ойлгомжтой, хүртээмжтэй шуурхай байдлаар хүргэх зорилт тавин хэрэгжүүлэн ажиллаж байгаа бөгөөд цахим хаягийг улам боловсронгуй болгох зорилгоор энэхүү вэбээ дахин шинэчилж мэдээллийн багатаамжийг нэмэгдүүлэн улмаар мэдээ мэдээллийг шинэчлэн боловсронгуй болгон хэд хэдэн шинэлэг цахим үйлчилгээг нэвтрүүлээд багагүй хугацаа өнгөрч байна. Тухайлбал вэб сайтад хүчингүй болсон иргэний үнэмлэх, байрьцаанд байгаа эд хөрөнгийн мэдээлэл, хуулийн этгээдийн нэр сонгох үйлчилгээг авах боломжийг бүрдүүлээд зогсохгүй эд хөрөнгө, хуулийн этгээд, иргэний бүртгэл, архивын үйлчилгээний үнэ хураамжийн талаарх мэдээллийг дэлгэрэнгүйгээр харахын зэрэгцээ үйлчилгээний бүхий л маягт загварыг татаж авах бүрэн боломжтой болсон нь шинэлэг ажил юм. Мөн 21 аймаг, 9 дүүргийг холбосон бүртгэлийн “Онлайн“ сүлжээ нь хөдөө орон нутгийн иргэдэд бүртгэлийн үйлчилгээг ойртуулахад томоохон дэвшил авчирсан билээ. Түүнчлэн гададад суугаа Монгол Улсын иргэн иргэний шинэчилсэн бүртгэлд хамрагдахдаа үндэсний гадаад паспорт, иргэний үнэмлэх, төрсний гэрчилгээ байхгүй тохиолдолд тус газрын энэхүү www.registrationmongolia.com/gad_lavlagaa, www.burtgel.mn/gad_lavlagaa вэб хаягуудаар орж иргэний үнэмлэхийн болон төрсний гэрчилгээний лавлагаа авах хүсэлтээ илгээнэ. Иргэнийг хүсэлтээ илгээж хандсаны дараа лавлагаа, хариуг тухайн улсынх нь консулын газарт и-мэйлээр явуулснаар иргэн шинэчилсэн бүртгэлдээ хамрагдаж иргэний хишиг хувь хүртэх боломжтой болсон.