Улсын бүртгэлийн ерөнхий газрын дарга Л.Мөнхбаатар тэргүүтэй төлөөлөгчид энэ оны 10 дугаар сарын 18, 19-ний өдрүүдэд хоёр зуугаад жилийн түүхтэй Их Британий Компаний бүртгэлийн байгууллага, Газрын бүртгэлийн байгууллагын төлөөлөгчидтэй уулзаж холбоо тогтоон хамтран ажиллахаар болов.

Их Британий бүртгэлийн байгууллагууд тус газрын төлөөлөгчдийг найрсагаар хүлээн авсан ба харилцан сонирхосон асуултандаа хариулт авч саналаа солилцон цаашид хамтран ажиллах сонирхолтой байгаагаа илэрхийлсэн юм. Их Британи Умард Ирландын Нэгдсэн Вант Улсад айлчлах үеэр мөн “Монгол-Лондон Бизнес Форум 2011”-д “Монголын бүртгэлийн өнөөгийн байдал” сэдвээр илтгэл тавьж амжилттай оролцлоо. Тус илтгэл Монголын болон Их Британий бизнес эрхлэгчидэд хуулийн этгээдийн бүртгэлийн талаарх мэдээллийг хүргэж ойлголт өгснөөрөө онцлог байлаа.