УБЕГ-ын Иргэний, эд хөрөнгийн эрхийн, хуулийн этгээдийн улсын бүртгэлийн төв, орон нутгийн байгууллагад ажиллаж байгаа албан хаагчдын мэргэжлийн ур чадварыг дээшлүүлэх, ажлын арга барилыг боловсронгуй болгох, харилцан туршлага солилцох зорилгоор бүсчилсэн сургалт зохион байгуулахаар төлөвлөөд байна.

Сургалтын зорилго: Иргэний, эд хөрөнгийн эрхийн, хуулийн этгээдийн төв, орон нутгийн улсын бүртгэлийн байгууллагын албан хаагчдыг мэргэжил арга зүйн нэгдсэн удирдлага, зохион байгуулалтаар хангах, мэдээлэл болон харилцан туршлага солилцох. Оролцогчид: Улсын бүртгэлийн ерөнхий газрын удирдлага, аймаг, орон нутгийн Улсын бүртгэлийн хэлтсийн дарга, Удирдлагын академийн төрийн удирдлагын сургууль, Архивын ерөнхий газар, Авлигатай тэмцэх газар, Соёл урлагын их сургууль, Монголын Мянганы сорилтын сан болон холбогдох албан хаагчид оролцоно. Чиглэл: - Иргэний, эд хөрөнгийн эрхийн, хуулийн этгээдийн улсын бүртгэгч болон архивын ажилтнуудын үйл ажиллагааг мэргэжил, арга зүйн сургалтаар хангаж, үйл ажиллагаанд хяналт тавих; - Иргэний цахим үнэмлэхний бүртгэлийн үйл ажиллагааг танилцуулах, бэлтгэх, мэргэшүүлэх сургалтыг зохион байгуулах; - Ээлжит сонгуулийн сонгогчдын нэрсийн жагсаалтыг үнэн зөв гаргахад чиглэл өгөх; - Эд хөрөнгийн бүртгэлтэй холбоотой асуудлууд, зөрчил дутагдал, шинэ журмыг хэрэгжүүлэх талаар чиглэл өгөх; - Гадаад паспорт олгохтой холбоотой асуудлыг хэлэлцэх; - Хуулийн этгээдийн нэрийн давхардалтай холбоотой асуудалд чиглэл өгөх; - Бүсчилсэн сургалтыг үр дүнтэй зохион байгуулж, тайланг нэгтгэн танилцуулах; - Төрийн албан хаагчийн ёс зүй, харилцааны ёс зүй, үйлчилгээний соёл, байгууллагын үйлчилгээний стандартын талаар сургалтуудыг зохион байгуулах болно.