Тус газар нь Монголын мянганы сорилтын сангийн “Хөрөнгийн эрхийн төсөл”-тэй үйл ажиллагаагаа уялдуулах, ажлаа эрчимжүүлэх үүднээс харилцан тохиролцсоны дагуу хоёр долоо хоног тутмын “Даваа” гарагт уулзаж, төслийн хэрэгжилтийн явцын талаар танилцаж, цаашид авч хэрэгжүүлэх арга хэмжээний талаар санал бодлоо солилцлоо.

Өнөөдрийн байдлаар тус газар нь Мянганы сорилтын корпорацийн Монгол дахь суурин төлөөлөгч Роберт И.Рийд болон Улсын бүртгэлийн ерөнхий газрын дарга Л. Мөнхбаатар, Тамгын газрын дарга Б. Баатарсайхан тэргүүтэй төлөөлөгчид, Хөрөнгийн эрхийн төслийн дэд захирал П.Хулангуа болон холбогдох хүмүүс төслийн барилгын явцтай танилцлаа. Төв байрны талаар: Тус газраас 1 дүгээр байр болон 3 дугаар байрны засварын ажил 40 хувьтай явж байгаа бөгөөд 2011 оны 10 дугаар сарын 01-ний өдөр барилгын засварын ажлын гүйцэтгэгч “Назу констракшн” ХХК нь Улсын бүртгэлийн ерөнхий газар хүлээлгэн өгөхөөр ажиллаж байна. Орон нутгийн байрны талаар: Ажлын хэсэг Төв аймгийн байрны ажлийн явцтай танилцсан ба Ерөнхий газрын дарга хуваарийн дагуу, ажлын гүйцэтгэл сайн болж байгааг онцлон тэмдэглэлээ.