Previous Next

Улсын бүртгэл, мэдээллийн нэгдсэн системийг сайжруулах Цахим архив төсөл хэрэгжиж эхэллээ

БНСУ-ын буцалтгүй тусламжийн хүрээнд “Улсын бүртгэл, мэдээллийн нэгдсэн системийг сайжруулах Цахим архив” төсөл Улсын бүртгэлийн ерөнхий газар дээр хэрэгжиж эхэллээ.

Нийт 4 сая ам.долларын өртөг бүхий тус төслийг БНСУ-ын талаас КОЙКА (Солонгосын олон улсын хамтын ажиллагааны байгууллага) хэрэгжүүлэх бөгөөд төслийн гүйцэтгэгчээр нь Солонгосын “Эс Кэй Си энд Си” компани ажиллах юм. Энэ төсөл хэрэгжсэнээр УБЕГ-ын архивт хадгалагдаж байгаа иргэний болон хуулийн этгээдийн бүртгэлийн бүх цаасан материал цахим хэлбэрт шилжих ба цахим хэлбэрт оруулахад шаардлагатай компьютер тоног төхөөрөмж, бараа материал, программ хангамж Монголд орж ирнэ. Ингэж цахим хэлбэрт шилжснээр иргэд архивын лавлагаа үйлчилгээг хурдан шуурхай хугацаанд авах боломж бүрдэх юм Түүнчлэн КОЙКА нь цахим архивын систем, хуулийн этгээдийн бүртгэлийн шинэ систем, УБЕГ—ын дотоод хэрэгцээний портал системийн цогц программ хангамж, холбогдох мэдээллийн технологийн тоног төхөөрөмж, сервер, программ хангамжийн бүрдлийг УБЕГ-д хүлээлгэж өгөх ба орж ирж байгаа шинэ систем, программ хангамжийг ажиллуулах, ашиглалт үйлчилгээг хариуцан ажиллах хүмүүсийг Солонгос улсад холбогдох сургалтанд хамруулахаар төлөвлөсөн байна.

 

Please publish modules in offcanvas position.