УБЕГ-ын Ховд аймаг дахь Улсын бүртгэлийн хэлтсийн дарга Д.Ширэндэв “Монгол Улсын нутгийн өөрөө удирдах ёс, түүний эрхзүйн зохицуулалтын үндсэн асуудал” сэдвээр хууль зүйн ухааны докторын зэрэг хамгааллаа.

Тэрээр төр захиргааны байгууллагад гуч гаруй жил тогтвор суурьшилтай ажиллаж туршлага хуримтлуулсан ахмад хуульчдын нэг бөгөөд тэр дундаа хөдөө орон нутгийн хуульчдаас анхны эрдэмтэн мэндэлж буй нь энэ юм. Түүний энэхүү эрдэм шинжилгээний ажил нь хууль, эрх зүйн онол практикийн асуудал болон эрхзүйн асуудлаар дагнаж, бие даасан бүтээл болсон гэдгээрээ ихээхэн онцлогтой.