Тус газар Хилийн чанадад байгаа иргэдийг бүртгэх дараагийн ээлжийн бүртгэлийн ажлыг өнөөдөр АНУ, Лос Анжелос хотод албан ёсоор эхлүүллээ. Шинэчилсэн бүртгэлийн ажлыг тус улсад эхлүүлэхтэй холбогдуулан Улсын бүртгэлийн ерөнхий газрын орлогч даргаар ахлуулса ажлын хэсгийн баг бүрэлдэхүүн АНУ-д суугаа Монгол Улсын Элчин сайдын яаманд ажиллаж байна.

Хилийн чанадад нийт 130 гаруй мянган монголчууд амьдардагаас АНУ-д 27 мянга гаруй нь байдаг гэсэн судалгаа байдаг юм. Иргэний шинэчилсэн бүртгэлийн ажлыг эхний ээлжинд монголчууд олноор амьдардаг 30 гаруй улсад хийхээр төлөвлөсний дагуу ийнхүү тус улсад эхлүүллээ. Харин Вашингтон хотод 6 дугаар сарын 11-ний өдөр эхэлнэ. АНУ-ын дараа 6 дугаар сарын 10-ны өдрөөс эхлэн Энэтхэг, ОХУ, 11-нээс БНХАУ, Австрали, Казахстан, Тайланд, Сингапур, Лаос, Вьетнам, Тайпэй, 12-ноос Польш, Берлин, Австри, Унгар, Чех, Түрк, Болгар, Швед, Бельги, Франц, 13-наас Кувейт, АБНЕУ зэрэг улс орнуудад шат дараалалтайгаар эхлүүлэхээр төлөвлөөд байна.