УБЕГ Иргэний шинэчилсэн бүртгэлийн ажлыг Монгол улсын нутаг дэвсгэрт өнгөрсөн оны 7 дугаар сараас эхлүүлж одоогийн байдлаар 16-аас дээш насны иргэдийн 96 хувь нь бүртгэлд хамрагдаад байгаа билээ.

Харин хилийн чанадад ажиллаж, амьдарч байгаа Монгол Улсын иргэдийг бүртгэх бүртгэлийн ажлыг энэ оны 3 дугаар сард БНСУ-д эхлүүлээд сар гаруй хугацаа өнгөрөөд байна. Энэ хугацаанд өнөөдрийн байдлаар 6000 орчим иргэн бүртгүүлээд байгаа бөгөөд тус улсад амьдарч буй монголчууд иргэний шинэчилсэн бүртгэлдээ идэвхитэй хамрагдаж байна гэсэн мэдээллийг БНСУ-д суугаа Монгол Улсын элчин сайдын яамнаас манайд ирүүлээд байгаа юм. Дээрх бүртгэгдсэн иргэдийн 4116 иргэний мэдээлэл тус газарт ирээд шалгагдаад байна. Ачаалалтай холбогдуулан тус газраас 2 улсын бүртгэгчийг Солонгос улсад томилон ажиллуулахаар боллоо.