УБЕГ Олон улсын хүүхдийн эрхийг хамгаалах өдрийг тохиолдуулан Голомт банктай хамтран албан хаагчдынхаа хүүхдүүдийн дунд “Миний мэдэх Голомт банк”, “6 сарын 1” сэдэвт гар зургийн уралдаан мөн “Голомт банк Миний банк” сэдэвт зохион бичлэгийн уралдааныг тус тус зохион байгуулж авьяаслаг хүүхдүүдийг тодрууллаа.

Зохион бичлэгийн төрөлд 1-р байрыг Тамгын газрын мэргэжилтэн Батбилэгийн охин Золбаяр тэргүүлсэн бол БМХ-ийн ажилтан Болормаагийн охин Энхчимэг удааллаа. Харин3-р байранд Архивын ажилтан Мандахтуяагийн охин Энхгэрэл орсон юм. Тэгвэл гар зургийн уралдаанд жолооч Пүрэвжамцын охин Буянхорлоо тэргүүн байр эзэлсэн. Эдгээр хүүхдүүд өөрсдиийн бүтээлдээ Голомт банкны тухай хэрхэн мэдэх, Голомт банк хүмүүст хэрхэн үйлчилдэг, ямар, ямар үйлчилгээ явуулдаг талаар, түүнчлэн хүүхдүүдэд ямар боломжуудыг нээж өгсөн зэргийг тусгажээ. Шалгарсан бүтээлийн эздэд болоод оролцсон бүх хүүхдүүдийг Голомт банкны зүгээс шагнаж, гарын бэлэг гардуулсан юм. Авьяас чадвараараа бусдаасаа ялгарч бусдыгаа хошуучилсан авьяаслаг хүүхдүүддээ баяр хүргэе. Голомт банкны ажилтан хэлэхдээ анхны удаа зохиогдсон болоод ч тэрүү оролцогчдын тоо тийм их байсангүй гэлээ. Тиймээс ирэх жилийн зохиогдох тэмцээн уралдаанд хүүхэд багачуудыг идэвхи санаачлагатай өргөнөөр оролцохыг тус банкны хамт олноос уриаллаа.