Засгийн газрын агентлагын эрх зүйн байдлын тухай хуулийн 8.4, Биеийн тамир спортын тухай хуулийн 12.2, 12.1.1, 12.1.3, тус газрын даргын тушаалаар батлагдсан «Улсын бүртгэлийн ерөнхий газрын хөдөлмөрийн дотоод журам»-ын 4.1.9 дэх заалтыг үндэслэн жил бүр уламжлал болгож биеийн тамир, спорт, урлагийн арга хэмжээний төлөвлөгөөг батлуулан зохион байгуулдаг билээ.

Тэгвэл 2011 оны биеийн тамир, спорт, урлагийн арга хэмжээг зохион байгуулах төлөвлөгөөний дагуу өнгөрсөн амралтын өдөр Улсын бүртгэлийн ерөнхий газрын нийт албан хаагчдын дунд «Сагсан бөмбөг»-ийн тэмцээнийг 3 дахь жилдээ зохион байгууллаа. Уг тэмцээнд эрэгтэй 8, эмэгтэй 8 нийт 16 багийн 80 гаруй тамирчид оролцож хурд хүч авхаалж самбаагаараа өрсөлдсөнөөс эрэгтэйчүүдийн төрөлд 1-р байр буюу цомын эзнээр Нийслэлийн бүртгэлийн газрын баг, 2-р байрыг Мэдээлэл технологийн газрын баг, 3-р байрыг Тамгын газрын баг эзэлсэн бол эмэгтэйчүүдийн төрөлд 1-р байрын цомын эзнээр Эд хөрөнгийн эрхийн бүртгэлийн газрын баг , 2-р байрыг Улсын бүртгэлийн төв архивын баг, 3-р байрыг Хуулийн этгээдийн бүртгэлийн газрын баг тус тус тэрүүлэв. Тэмцээний үеэр өнгөрсөн онд зохион байгуулагдсан биеийн тамир, спорт, урлагийн арга хэмжээний нийлбэр оноогоор эхний гурван байрт шалгарсан багуудад цом, мөнгөн шагналыг гардуулсан.